Нийслэлийн төв гудамжаар зам дагуу байрлах самбар болгон сууриндаа хогийн савтай боллоо. Хувийн хэвшлийнхэн их хотынхоо хөгжилд хувь нэмэр оруулахаар хогийн сав байршуулсан нь энэ юм байна. Энэ хогийн савыг Сити дизайн компани өөрийнхөө хөрөнгөөр босгожээ. 
        Хотоо цэвэр үзэмжтэй байлгах үүднээс хувийн хэвшлийн компани Улаанбаатар хотын захирагчийн Ажлын Албатай хамтарч тендерт ялалт байгуулсан юм байна.
        Ингэхдээ нийслэлд 600 ширхэг хогийн сав хийж байрлуулах гэрээ байгуулж, одоогийн байдлаар 200 ширхэгийг байршуулаад байна. Гол нь хогийн саванд хийсэн хогоо өөрсдөө тээвэрлэж асгадаг . Өдөртөө доод тал нь 3 машин хог ачдаг тухай Сити дизайн компанийнхан хэлж байна. Тэд энэ ажлаа бизнесийн ашиг хайсан ажил биш гэдгийг хэлж харин хогийн сав байршуулсаар байтал гадаа гудамжинд хогоо хаяхгүй байхыг уриалж байна. Ингэснээр нийслэлчүүд хоггүй цэвэр орчинд сэтгэл хангалуун алхан, хотоо цэвэрхэн байлгахад үр дүнтэй гэж тэд үзэж байна. Улаанбаатараа хоггүй болгох нь зөвхөн төрийн байгууллагуудын хийх ажил гэж ойлгож болохгүй. Хувийн хэвшлийнхэн ч хамтдаа чармайлт гаргавал хоггүй хот болох боломжтой гэж Сити дизайн компанийхан харуулж байна.