Засгийн газрын үйл ажиллагааны хөтөлбөрт тусгагдсан “100 мянган айлын орон сууц” төслийг хэрэгжүүлэх зорилгоор “Барилгын салбарт мэргэжлийн ажилчин бэлтгэх арга хэмжээний тухай” тогтоол батлагджээ.

Тогтоолоор 2009 онд мэргэжилтэй ажилчин бэлтгэх төлөвлөгөөг баталж, сургалт хариуцсан албыг өөрийгөө санхүүжүүлэх зарчмаар байгуулан ажиллуулахыг сайд Х.Баттулгад зөвшөөрөв.

Барилга, барилгын материалын үйлдвэрлэлийн чиглэлээр мэргэжилтэй ажилчин бэлтгэх сургалт эрхэлж буй МСҮТ-үүдийн сургалтын орчин, техник технологийг сайжруулахад шаардагдах санхүүгийн эх үүсвэрийг барилгын салбарт авах зээл тусламжийн хөрөнгөнөөс шийдвэрлэж, төсөл хэлбэрээр хэрэгжүүлэхийг холбогдох сайд нарт даалгав.

2009 онд 7000 мэргэжилтэй ажилчин сургаж бэлтгэх шаардлагатай гэж үзэж байгаа бөгөөд 3000-ыг МСҮТ-үүдэд, 2500-г түр сургалтаар, 1500-г үйлдвэрлэл дээрх сургалтаар бэлтгэнэ гэж төлөвлөгөөнд тусгажээ.

Эх сурвалж: Засгийн газрын ХМА