Үүний 892 мянган евро нь буцалтгүй тусламжийн хэлбэрээр орж ирж байгаа юм байна. Ипотекийн корпорациар дамжин орж ирэх энэ мөнгийг Монголбанк болон арилжааны 10 банкинд төвлөрүүлж, гэр хорооллын хэрэглэгчдэд зээл олгох зориулалттай юм.

Монгол Улсын Засгийн газар ХБНГУ-ын Засгийн газар хоорондын ипотекийн барьцаат зээлийг хөгжүүлэх төслийн зээлийн болон санхүүжилтийн хэлэлцээрийн төслийг зөвшилцөхийг дэмжих асуудлаар Эдийн засгийн байнгын хорооны гишүүд хэлэлцлээ. Энэ зээлийг Ипотекийн корпорациар дамжуулах бус Хөгжлийн банк байгуулан байршуулъя гэж гишүүд санал гаргаж байв. Дээрх зээлийн мөнгийг Монголбанк арилжааны банкуудад дамжуулан олгох юм байна.

Сангийн сайд С.Баярцогт “Хөгжлийн банк байгуулах асуудал маш олон зүил дээр босч ирж байна. Бид энэ талаар ярилцаж байгаа. Дамжуулах зээлийн менежментийг япончуудаар хийлгэнэ. Тэд үүн дээр менежмент сайн хийдэг. Ипотекийн корпораци арилжааны банкуудад төвлөрөөд байгаа урт хугацааны орон сууцны зээлүүдийг багцаар нь худалдаж аваад үнэт цаас болгон зах зээлд гаргах юм” гэлээ.

Ипотекийн корпораци нь Монголбанк арилжааны банкуудыг нэгтгэсэн байгууллага юм байна. Зээл олголттой холбогдуулан гишүүд Сангийн сайдаас сонирхсон асуултдаа хариулт авч санал хэлсэн юм.

-Орон сууцны зээл олгоно. Гэр хорооллынхныг орон сууцжуулах зориулалтай юм. Тиймээс ч бид банкаар дамжуулж олгоно. Банкаар дамжуулсан зээл хамгийн хариуцлагатай байдаг.

-Би энэ зээлийг авах шаардлагагүй гэж үзэж байна. Энэ зээл гэр хорооллын иргэдийн амьжиргааг дээшлүүлэхэд зориулагдахгүй нь тодорхой байна. Яагаад гэвэл зээлийн мөнгийг нэг корпораци хариуцаж байна. Компанид л зориулагдсан мөнгө байна.