Барилгын салбарын үйл ажиллагаа эрхлэгч,
энэхүү салбартай холбоотой нийт байгууллага,
аж ахуйн нэгжүүдийн анхааралд

Үзэсгэлэнд оролцож идэвхитэй хамтран ажиллах тухай

Монголын Үндэсний Худалдаа Аж Үйлдвэрийн Танхим нь МҮХАҮТ-ын дэргэдэх Барилгын зөвлөл,  ЗТБХБЯам, НЗДТГ, Голомт Банк, Барилгын Материал Үйлдвэрлэгчдийн Холбоо, Монголын Ипотекийн Корпораци, Барилга МН Мэдээллийн Төв, Орон сууцны Санхүүжилтийн Корпораци зэрэг байгууллагуудтай хамтран“Монгол Барилга 2009” үзэсгэлэнг 2009 оны 4 дүгээр сарын 17-20-ны өдрүүдэд МҮХАҮТ-ын үзэсгэлэнгийн танхимд зохион байгуулах гэж байна.

Энэхүү үзэсгэлэнгээр монголд барилгын төрөл бүрийн материал үйлдвэрлэгчид, барилга барьдаг компаниуд, банк санхүүгийн байгууллагууд, барилгын машин механизм, тоног төхөөрөмж, барилгын материалын импортлогчид, үл хөдлөх хөрөнгийн зуучлагч, худалдаа, лизингийн чиглэлээр үйл ажиллагаа явуулдаг аж ахуйн нэгж, байгууллагуудыг идэвхи санаачлагатай оролцохыг урьж байна. 

МҮХАҮТ нь хувийн хэвшлийн үйл ажиллагааг идэвхитэй дэмжих зорилгоор өөрийн гэсэн шинэ үзэсгэлэнгийн Танхим ба стандартын тоног төхөөрөмжтэй болсон, нөгөөтэйгүүр дулааны улирал ирж барилгын бүтээн байгуулалтын их ажил эхэлж байгаа, барилгын салбарын өнөөгийн ололтыг хэрэглэгч ба бизнес эрхлэгчдэд таниулан сурталчилах тул Монгол Улсын бүтээн байгуулалтад хувь нэмрээ оруулах бидний зохион байгуулж буй үзэсгэлэн орчин үеийн загвар, өнгө төрхтэйгээр ажил хэрэгчээр оролцохыг уриалж байна.  

Үзэсгэлэнг 2009 оны 4 дүгээр сарын 10-ны өдөр хүртэл бүртгэнэ.

            Дэлгэрэнгүй мэдээллийг дараахи хаягаас авна уу

1. Ж. Алтанцэцэг – 324394, 88117309, altantsetseg.j@mongolchamber.mn
2. Д. Ууганбаатар – 312371, 99180965, uuganbaatar@mongolchamber.mn

ДАРГА                                               С. ДЭМБЭРЭЛ

1. Бүртгэлийн хуудас
2. Оролцох журам
3. Түрээсийн нэмэлт тоног төхөөрөмж