Зам засварт энэ жил өмнөх жилүүдээс харьцангуй их мөнгө төсөвлөсөн. Гэтэл энэ их хөрөнгө мөнгөөр засагдаж байгаа гэх нийслэлийн автозамуудын зарим нь одоо болтол дуусаагүй байна. Тухайлбал, Улиастай, Амгалангийн чиглэлийн хатуу хучилттай замыг энэ зунжин засч’байгаа гэх ч өнөөдрийг хүртэл замын ажил дуусаагүй, автозамын түгжрэл үүссэн хэвээр, жолооч нарыг бухимдуулсаар байна. Нийслэлийн зүүн захын энэ зам дагуу байрлах албан газар, айл өрхүүд одоо ч шороо тоосонд дарагдсан хэвээр байгаа. Нийслэлийн автозамын газрын даргын хэлснээр нийслэлд одоо ганцхан энэ замыг л засах ажил үлдээд байгаа бөгөөд ирэх сарын нэгэн гэхэд зам засварын ажил бүрэн дуусах гэнэ. Ирэх жил хотын гудамжинд засах зам бараг байхгүй бөгөөд харин хотоос зүүн, баруун тийш гарсан замуудыг засч янзлах аж.