Мод, модон материалын “Цолмонбадрах”, “Доной”, “Цайз”, “Хангай” захуудад НМХГ-аас шалгалт хийхэд олон зөрчилтэй байсан учир үйл ажиллагааг нь түр зогсоожээ. Дээрх захуудад шөнийн цагаар хулгайн мод буулгаж, зүсэж бэлтгэдэг байжээ.

Мөн бууж байгаа модны гарал үүслийн гэрчилгээг шалгахгүйгээр худалдаалдаг аж. Харин зөрчил дутагдлаа зассан “Цолмонбадрах”, “Доной”, “Цайз” захуудын үйл ажиллагааг лхагва гаригаас сэргээжээ. “Хангай” захын хувьд ийм тохиолдол хоёр дахь удаагаа гарч байгаа. Мэргэжлийн хяналтын газраас үйл ажиллагааг нь зогсоогоод байхад захирал Бат-Оюун нь дур мэдэн ажиллуулсаар иржээ. Мөн НМХГ-ын Шуурхай багийнхан энэ долоо хоногт зөрчилтэй хууль бус зургаан тэвш мод хурааж, гурван сая, 200 мянган төгрөгийн торгууль ногдуулжээ.