ирэх сарын 1-нээс эхлэн 25-35 хувь нэмэх саналыг ирүүлээд нэлээд хугацаа өнгөрч байна.

Хэдийгээр эцсийн шийдвэр гараагүй ч одоо холбогдох албаныхан судалж эхэлжээ. Хэрвээ цахилгаан, дулааны үнийг 25-35 хувь нэмэгдүүлбэл гэр хорооллын айл өрхийн төсөвт хэрхэн нөлөө үзүүлэх талаар мэргэжлийн байгууллага болох Эрчим хүчний зохицуулах газар тооцоо судалгаа хийсэн байна.

Гэр хорооллын айл өрхийн сарын дундаж цахилгааны хэрэглээг (одоо мөрдөж буй хэрэглээний төвшин) 150, 250, 300 квтц гэсэн түвшингээр ангилж, өрхийн сарын дундаж орлогыг 341612 /Үндэсний статистикийн газраас гаргасан өрхийн сарын дундаж мөнгөн орлого/ төгрөгөөр авсан бөгөөд мөрдөж байгаа болон шинэ үнээр ангилал бүрээр тооцоог хийж өрхийн төсөвт үзүүлэх нөлөөллийг гаргасан байна.

Эхний ангилалд хамаарах айл өрх буюу сард 100 квтц цахилгаан хэрэглэсэн айл, өрх одоогийн мөрдөж буй үнэ буюу 63.80 төг/квтц (НӨАТ-ыг 10 хувиар тооцов) байхад сардаа цахилгааны төлбөрт 6380 төгрөг төлж байгаа нь өрхийн төсвийнх нь 1.9 хувийг эзэлж байсан бол шинэ үнээр 82.5 төг/квтц болж цахилгааны төлбөр нь сардаа 1870 төгрөгөөр, өрхийн төсөвт цахилгааны төлбөрийн эзлэх хувийн жин нь 0.5 хувиар нэмэгдэн 2.4 хувь болж байна.

Сард 151-ээс дээш 250 хүртэл квтц цахилгаан хэрэглэх ангилалд хамаарах айл, өрх сардаа 200 квтц хэрэглэсэн гэж үзвэл одоогийн мөрдөж буй үнэ 68.20 төг/квтц (НӨАТ-ыг 10 хувиар тооцов) байхад сардаа цахилгааны төлбөрт 13640 төгрөг төлж байгаа нь өрхийн төсвийнх нь 4.0 хувийг эзэлж байсан бол шинэ үнээр 86.9 төг/квтц болж цахилгааны төлбөр нь сардаа 3740 төгрөгөөр, өрхийн төсөвт цахилгааны төлбөрийн эзлэх хувийн жин нь 1.1 хувиар нэмэгдэн 5.1 хувь болжээ.

Харин сард 251-ээс дээш квтц цахилгаан хэрэглэх ангилалд хамаарах айл өрх 260 квтц хэрэглэсэн гэж үзвэл одоогийн мөрдөж буй үнэ 72.60 төг/квтц (НӨАТ-ыг 10 хувиар тооцов) байхад сардаа цахилгааны төлбөрт 18876 төгрөг төлж байгаа нь өрхийн төсвийнх нь 5.5 хувийг эзэлж байсан бол шинэ үнээр 91.3 төг/квтц болж цахилгааны төлбөр нь сардаа 4862 төгрөгөөр, өрхийн төсөвт цахилгааны төлбөрийн эзлэх хувийн жин нь 1.4 хувиар нэмэгдэн 6.9 хувь болохоор байгаа аж.