2007-2008 онд баригдсан шинэ барилга байгууламжуудаас 40 гаран барилга нэр дэвшсэнээс 12 “Шилдэг барилга”-г шалгаруулав.

Ерөнхий зохион байгуулагч болох Монголын Архитекторуудын Эвлэл/МАЭ/, Монголын Хот Байгуулалтын Холбоо/МХБХ/, Монголын Инженерүүдийн Холбоо/МИХ/ , Хот байгуулалт зураг төслийн “Идеал групп” ХХК нар хамтран Монгол улсын хөгжилд цэцэглэлт, өнгө төрх, бүтээн байгуулалт, оруулсан хөрөнгө оруулалт, хувь нэмрийг хөхүүлэн дэмжиж олон нийтэд сурталчилан таниулах, тэдний хөдөлмөр зүтгэлийг дэмжиж үнэлэх зоирлгоор энэхүү арга хэмжээг 2002 оноос хойш 7 дахь жилдээ зохион байгуулж, мэргэжлийн үүднээс бүх талаар нь дүгнэн хэлэлцэж шалгаруулж байна.

Уг арга хэмжээнд голчлон барилгын гүйцэтгэгч, барилгын захиалагч, архитектор, инженерүүд оролцосноос гадна ЗТБХБЯамны сайд Х.Баттулга болон бусад хүндэт зочид төлөөлөгчид уригдан шагнал гардуудав.

·         “Женко тур бюро” ХХК-ийн “Чингис хааны морьт хөшөө” цогцолбор

·         “Нийслэл өргөө” ХК-ийн барьсан “Их эзэн Чингис хаан хөшөө”, “Төрийн ёслол хүндэтгэлийн өргөө” цогцолбор

·         “Гацуурт” ХХК-ийн “Тэрэлж” 5 одтой зочид буудал

·         “Алтай констракшн” ХХК-ийн оффисын барилга

·         “Богда холдинг” ХХК-ийн барьсан ННЗБНэгдсэн байр

·         “Сонор трейд” ХХК-ийн “Сонор плаза”

·         “Монгол глобал” ХХК-ийн барьсан “Форд” авто худалдааны төв

·         “Сандэй” ХХК-ийн “Сандэй плаза” худалдааны төв

·         “Хар чонот” ХХК-ийн угсарсан Ховд аймгийн Алтай сумын төвийн цогцолбор

·         “Шилмэл шилтгээн” ХХК-ийн “Дүнжингарав” орон сууцны хороолол

·         “Эко констракшн” ХХК-ийн “Маршал таун” цогцолбор хотхон

·         “Си эйч эн” ХХК-ийн угсарсан “Молор эрдэнэ төв”-ийн барилга

Мэдээллийн спонсороор NTV телевиз, www.barilga.mn, www.oronsuuts.mn сайтууд дэмжиж ажиллаж байна

Бид удахгүй сайт дээрээ эдгээр барилгуудын зургийг дэлгэрэнгүй тайлбартайгаар нийтлэх болно