Сүүлийн 20 жилд агаарын чанар сайжирснаар АНУ-д дундаж наслалт хэрэг дээрээ таван сараар нэмэгджээ. АНУ-ын эрх баригчдын захиалгаар явуулсан судалгааны дүн үүнийг харуулж байна.

1978-2001 онд тус оронд дундаж нас гурван жилээр нэмэгдэж, 77 болжээ. Энэ гурван жилээс 4,8 сар нь чухамхүү агаар дахь хорт бодисын хэмжээ буурсантай холбоотойд америкчууд талархах ёстой гэж судлаачид тэмдэглэж байна. «Энэ нь экологийн салбарын хүч чармайлт үр дүнгээ үнэхээр өгч буйг харуулж байна» гэж Вашингтоны их сургуулийн хүрээлэн байгаа орчныг хамгаалах асуудал эрхлэсэн шинжээч Жоэл Кауфман цохон заажээ.

Бохирдсон агаараас маш өчүүхэн хатуу бөөмсүүд хүний уушгинд ороод, хэд хэдэн хүнд өвчин үүсгэж болдог байна. Эдгээр бөөмс нь үйлдвэр болон машины хөдөлгүүрээс агаар мандалд цацагдаж байдаг химийн нэгдэл, хөө, тоосноос бүрддэг юм. 1970 онд АНУ-д цэвэр агаарын тухай баримт бичиг батласны дараа ялгарч буй хорт хийг шүүх шүүлтүүр нь автомашин унах зайлшгүй нөхцөл болж, харин үйлдвэрийн газрын хаягдлыг цэвэрлэх ажлыг хатуу чанд хянах болжээ.

Судалдааны явцад эрдэмтэд АНУ-ын 51 хотын агаар хатуу бөөмсүүдээр бохирдож байгаа тухай тоо баримтыг ашигласан байна. 20 жилд эдгээр хотын агаар дахь бөөмсүүдийн хэмжээ нэг шоо метрт граммын 21 мянгаас граммын 14 мянга болж багасч, харин эдгээр хотын оршин суугчид дунджаар 2,7 жилээр урт наслах болжээ.