Сүүлийн үед барилгын компаниудын үйл ажиллагаатай уялдан цементийн борлуулалт зогсч, санхүүгийн хүндрэлтэй байдал үүссэн боловч 2008 оны сүүлийн саруудад үйлдвэрлэлээ хэвийн явуулж одоогийн байдлаар 27000 тн цементийн нөөцлөөд байгаа юм.

2009 оны 1-р сарын байдлаар Шохойн үйлдвэр, Дулааны станц хэвийн жигд ажиллаж, Цементийн технологийн шугамуудад урсгал засвар үйлчилгээ хийгдсэн ба технологийн ажилтнууддаа 15 хоногийн цалинтай чөлөө олгосон байна. .

2009 оны 1-р сард цемент, шохойн үйлдвэрлэлээ хэвийн жигд явуулах нүүрс, түүхий эд материалын нөөцөө бэлтгэсэн байгаагийн дээр 66000 тн цемент үйлдвэрлэх бололцоотой бөгөөд хямралыг зогсолтгүйгээр ажиллаж давах бодлого баримталж, 2-р сарын 01-ээс эхлэн үйлдвэрлэлээ бүрэн хүчин чадлаар нь ажиллуулж эхэлжээ.

Тус компани хямралын үеийг хэвийн давахаар бүх нөөц бололцоогоо дайчлан ашиглаж, зардал өртгийг бууруулах, хэмнэлтийн болон, үнийн уян хатан бодлого явуулах зэргээр боломжит бүхий л арга хэмжээг авч хэрэгжүүлэхээр төлөвлөөд байна.

Хөтөл “Цемент-Шохой” ХК нь барилгын байгууллагуудын үйл ажиллагаа эхлэхэд чанарын шаардлага бүрэн хангасан эх орны үйлдвэрийн цемент, шохойгоор хангахаар   нөөц бүрдүүлэн ажиллаж байгаа бөгөөд хямралын нөхцөлд харилцагч байгууллагууддаа үнийн хөнгөлөлт үзүүлсэн гэрээ байгуулж байгаа юм байна.