Цементийн үнэ дахин өсч болзошгүй
Barilga
2019-11-05
БНХАУ-аас импортолж буй барилгын материал, тэр дундаа цемент ачсан цуваа өмнөд хил дээр гацаа үүсгэж, улмаар үнийг хөөрөгдөхөд нөлөөлж байгаа гэж олон хүн үзэж байна. Ачааны вагоны хүрэлцээ муугаас ийнхүү түгжрэл үүсчээ. Энэ түгжрэлээс гарахын тулд манай улс ОХУ-аас 10 зүтгүүр, 200 орчим вагон түрээслэхээр болоод байна. Тэднээс одоо дөрвөн зүтгүүр нь замд гарч ачаа тээвэрлэж байгаа юм байна.
Манай улсад ачааны 40 вагон байдгаас 10 орчим нь засварт орж, нэлээд хэсэг нь өмнөд хил дээр түгжрээд байгаа аж. Үүнтэй холбоотойгоор өнгөрсөн хавар үнэ нь хадаад байсан цементийн үнэ дахин нэмэгдэж болзошгүй байна. Манай улс АНУ-аас 12 тэрбум төгрөгөөр дөрвөн зүтгүүр худалдаж авахаар болсон бөгөөд одоо хоёр нь ирж байгаа сурагтай. Хэрэв эдгээр зүтгүүр бүгд ажиллаж замдаа гарвал ачаа эргэлт сайжирч, хил дээр ачаа саатах явдал багасах бололтой.
TODAY