Yзэсгэлэнг хааж Монгол Улсын Тэргvvн шадар сайд Н.Алтанхуяг хэлсэн vгэндээ “Зөвхөн уулын баяжуулах Эрдэнэт vйлдвэр гэхэд 400 орчим тэрбум төгрөг гаднаас авдаг. Өнгөрсөн жилээс дотоодын vйлдвэрлэгчид vvнээс 40 тэрбумыг нь нийлvvлжээ. Цаашдаа vvнээс ч илvvг нийлvvлэх боломжтой юм байна. Эрдэнэт хивсний vйлдвэрийнхэнтэй ярьж байхад 13 мянган тонн хаягдал ноос гардаг. Тиймээс vvнийг нь барилгын дулаалгад ашиглаж болох юм гэсэн санал гаргаж байна. Би хувьдаа vvнийг дэмжиж байгаа. Мөн vзэсгэлэнг vзэж байхад “Модон хvн” компанийн бvтээгдэхvvн vнэн тасархай юм. Тиймээс одоо хийсэн бvхнийг нь бид худалдаж авья. Yндэсний vйлдвэрлэлээ дэмжье” хэмээн цоглог дуугаар хэлэв.

“ Монголд vйлдвэрлэв-2009” vзэсгэлэнгийн шилдгээр “Говь”-ийн ноолууран драп, “Хос Аз” компани бэлэг дурсгалын бvтээгдэхvvн, “Төмөр трейд”-ийн сурагчийн дvрэмт хувцас, “Аз хур”-ийн монгол менежер бvтээгдэхvvн, “Модон хvн”-ийн шатартай ширээ сандал, “Алтан мөнгөн хос”-ийн эмэгтэй хvний гоёлын иж бvрдэл, “Эрдэнэт хивс”ХК-ийн Говь хивс, “Бэрэн” –ийн төмрийн баяжмал, “Батбайгаль”-ийн аяган бялуу, “Эрдмин”-ий цахилгааны кабель утас шалгарав.Шилдэг бvтээлийг хvрэл зэвсгийн vеэс vлдсэн хутганы ишийг дууриалган хийсэн аргалын эвэр бvхий дvрст цомоор шагнав.

Тав хоногт компаниудын нийт орлого 400 сая төгрөг давсан аж.

“Говь” компанийн ноолууран драпыг сонирхвол Монголд төдийгvй дэлхийд шинэ технологид тооцогдох 48/2 нарийн ээрмэлээр хийсэн гэнэ. Метр нь 151 мянган төгрөгөөр vнэлэгддэг драпыг худалдан авагчид багагvй аж. Харин “Эрдэнэт хивс” ХК-ийн говь бvтээгдэхvvний талаар борлуулалтын менежер Н.Дашхvvгээс тодруулав. Хонины ноосны байгалийн өнгийг хадгалан утас ээрч хийсэн бvтээгдэхvvн. Одоогоор 1.70-2.50 метрийн хэмжээтэй хийж 126 мянган төгрөгөөр vнэлэгдэж байгаа. Хэдийгээр санхvvгийн хямралтай холбоотой борлуулалт буурч байгаа ч экспортын хэмжээ нэмэгдэж байгаа. Манай компани шинэ техник, технологи нэвтрvvлэн шинэ шинэ, брэнд гаргахаар ажиллаж байна гэв.