цахилгаан шатны техник технологийн туршлага солилцон хамтран ажиллах, хоёр орны техникийн стандарт, аюулгүй ажиллагааны нөхцөл байдлыг сайжруулахад тус дөхөм болох зорилгоор харилцан тохиролцож хамтын ажиллагааны гэрээг үзэглэсэн байна.  

Тус хамтын ажиллагааны гэрээнд МХЕГ-ын дарга Ц.Шийрэвдамба, БНСУ-ын Цахилгаан шатны аюулгүй ажиллагааны Институтын дарга Ким Нам Дог гарын үсэг зурсан бөгөөд БНСУ-ын Онц бөгөөд бүрэн эрхт элчин сайд Пак Жин Хо өндөр ач холбогдол өгч хүрэлцэн ирсэн байна. УМХГ Солонгосын техник хамтын ажиллагааны нийгэмлэгт /KOICA/ санал тавьснаар мэргэжилтэн ирж гурван сарын хугацаатай ажиллаж манайд ашиглагдаж байгаа лифтүүдийн аюулгүй ажиллагааны байдалд судалгаа хийжээ.  

Энэ дүнгээс харахад манай улсын цахилгаан шат ашиглалтын аюулгүй ажиллагааны норматив баримт бичгийн боловсруулалт, баталгаажуулалт, ашиглалтын үеийн аюулгүй ажиллагааны бодит байдал учир дутагдалтай байна. Цахилгаан шатны ашиглалтын хугацааг КОНЕ, Сигма зэрэг тэргүүлэгч фирмийн тогтоосноор 25 жил гэвэл нийслэлд ашиглагдаж байгаа 1200 орчим цахилгаан шатны 800 нь ашиглалтын хугацаа дуусч байна. 2003 оноос хойш ашиглалтын хугацаа дууссан 46 лифт сольсон нь хангалтгүй юм. Төлөвлөгөөт урьдчилан сэргийлэх засвар, үйлчилгээний системийг мөрдүүлэх ажил орхигдсоноос техникийн байдал ихэд мууджээ. ОХУ-д 1990 оноос өмнө үйлдвэрлэсэн цахилгаан шат, өргүүрүүдийн хувьд сэлбэг материалын үнэ өсч, олдоц нь ховорджээ.

Цахилгаан шатыг оношлох, ашиглалтын хугацааг үндэслэлтэй тогтоодог мэргэжлийн лаборатори байхгүйгээс статик, динамик туршилт гадна үзлэг хийснээр шалгалт хязгаарлаж байна. Иймд МХЕГ ЦШААИ цаашид хамтран ажиллаж хууль эрх зүйн орчин, техник, технологийн норм стандартыг сайжруулах, хуучин шатыг үзэж оношлох, солих хугацааг тогтоох нарийн үзлэг шалгалт хийх, боловсон хүчнийг чадавхижуулахаар болж байна.