эрчим хүчний салбарын бодлого, зорилтыг нийслэлд хэрэгжүүлэх талаар 2009-2012 онд хамтран ажиллах санамж бичигт гарын үсэг зуржээ. Санамж бичигт жил бүр нэмэгдэж байгаа цахилгаан, дулааны хэрэглээг хангах зорилгоор дулааны станц шинээр барих асуудлыг холбогдох инженерийн барилга байгууламж, газрын хамт шийдэх зэрэг ажил тусгажээ. Мөн байгаль орчны нарийвчилсан үнэлгээ хийлгэх, станцуудын техникийн усны хэрэгцээнд зориулан ашигладаг гүний цэвэр усыг хязгаарлах үүднээс Төв цэвэрлэх байгууламжаас шүүгдэн гарч байгаа усыг ашиглах, нөхцөл боломжийг судлан шийдвэрлэх аж.

Үүнээс гадна гэр хорооллын өрхийг эрчим хүчээр хангах, хүчдэлийг сайжруулах, одоо байгаа хорооллуудын ашиглалтын хугацаа нь дууссан, нэвтрүүлэх чадвар муудсан дулаан түгээх, дамжуулах шугам сүлжээг шинэчлэх хөрөнгийг шийдэх хэрэгтэй байна. Харин байгаль орчинд ээлтэй технологиор стандартын шаардлага хангасан эрчим хүч болон боловсруулсан түлш үйлдвэрлэж борлуулсан бизнесийн нэгжүүдийг урамшуулдаг болох, үйлдвэр, олон нийтийн барилгуудыг дулаалах ажлын эхлэл тавигджээ.