“MISEREOR” олон улсын байгууллага болон “Наранцацралт сан”-гийн дэмжлэгтэйгээр Дундговь аймгийн Цагаандэлгэр суманд анх удаа “Интернэт гэр” байгуулахаар болж гэрийн шавыг тавьжээ. Ингэснээр өндөр хурдны интернэт сүлжээг ашиглан дотоод болон гадаад ертөнцөд болж байгаа мэдээ мэдээллийг цаг тухайд нь авах боломжийг малчдад олгох юм байна. Өөрөөр хэлбэл, хөдөөгийн залуусын боловсролд оруулж байгаа томоохон хөрөнгө оруулалт болно гэдэгт Цагаандэлгэр сумынхан итгэлтэй байгаа аж. “Интернэт гэр”-ийг иж бүрэн тохижуулахад 30 орчим сая төгрөг зарцуулагдана. Тус суманд “Интернэт гэр” байгуулах санаачлагыг УИХ-ын гишүүн Ж.Наранцацралт гаргажээ.