Нийслэлийн Баянзvрх дvvргийн дөрөвдvгээр хорооны нутаг 15 дугаар хороололд байсан “Найрамдал” цэнгэлдэх хvрээлэн хөлбөмбөгийн талбай дээр хятадын 100 хувийн хөрөнгө оруулалттай “Зvvн ази хөгжил” ХХК барилга эхэлсэн тухай мэдээлж байсан. Манай нийтлэлийн мөрөөр Нийслэлийн Засаг дарга Т.Билэгт өчигдөр 16 цаг өнгөрч байхад 515 тоот захирамж гаргаж “Зvvн ази хөгжил” компанийн газар ашиглах эрхийн гэрчилгээг хvчингvй болгож, газар ашиглуулах гэрээг цуцалсан байна. Yvний зэрэгцээ уг газрыг чөлөөлvvлж, нөхөн сэргээх арга хэмжээг зохион байгуулахыг Нийслэлийн газрын албаны дарга Ц.Сандуй, Барилга, хот төлөвлөлтийн газрын дарга Н.Нацагдорж, Нийслэлийн мэргэжлийн хяналтын газрын дарга Л.Бямбасvрэн, Баянзvрх дvvргийн Засаг дарга Б.Мөнхбаатар нарт даалгажээ.

Т.Билэгт даргын захирамжид нийслэлийн өмнөх Засаг даргын 2007 оны есдvгээр сарын 26-ны өдрийн 473, мөн оны аравдугаар сарын 23-ны 513 дугаар захирамжийн “Зvvн ази хөгжил” компанид холбогдох хэсгийг хvчингvй болгохоор заажээ. Ийнхvv нийслэлийн vе vеийн иргэдийн чөлөөт цагаа зөв боловсон өнгөрvvлж, спортоор хичээллэж ирсэн “Найрамдал” цэнгэлдэх хvрээлэн хөлбөмбөгийн талбай хуучнаар vлдэх боллоо.