Нийслэлийнхэн өвлийн бэлтгэлээ хангах гээд нэг хэсэг л бужигнав. Өртэй нэгэнд нь дулаан өгөхгvй гэж Улаанбаатар дулааны шугам сvлжээнийхэн айлгасан бол тvлэх нvvрсгvйгээс хөлдөж vхэх нь хэмээн халаалттай зуухаар дулаанаа авах оршин суугчид нь шат шатныхаа Засаг даргадаа гомдоллосон. Гэвч ямар ч гэсэн өртэй нэгнийх нь өрийг барагдуулах хатуу гэрээ хийснээр төвлөрсөн дулааны шугамд холбогдсон орон сууцны хэрэглэгчид халаалтаа аван жигдрээд байна. Уурын зуухтай байрны орон суугчид аравдугаар сар гарсан хойно дулаанаа арай гэж аван хөлдчихгvй шиг сууж байна. Уг нь, өнгөрсөн жилээс агаарын бохирдолд хувь нэмрээ “оруулаад” байгаа халаалттай зуухтай орон сууцыг төвлөрсөн шугамд холбох асуудлыг ярьсан ч бvтэх боломжгvй хэмээн “хар тамга” дарсан.

 Нvvрсний vнэ өсч, нийслэлийн тал хувийг хангах томхон станцаас дутуугvй засвар vйлчилгээ шаардах халаалтын зуухыг төвлөрсөн шугамд холбосон бол багагvй мөнгийг төсвөөс хэмнэх боломжтой байв. Гэвч Засаг дарга өөрөө биечлэн оролцож, судлаад өртөг нь дэндvv өндөр байна хэмээн толгой сэгсрэн хойшлуулсан. Хойшлуулсан ч гэж дээ гадаадын төсөл, хөтөлбөрийн хvрээнд хэрэгжvvлэх нэрийдлээр хав дарсан гэсэн vг. Гэвч ямар төслөөр, хэзээ хэрэгжvvлж, халаалттай зуухаар дулаанаа авагчдыг дулаахан өвөлжvvлэхийг магад бурхан л мэдэх байх. Тухайлбал, төвлөрсөн шугамд ойр Ботаникийн УС-15-ыг гэхэд л Цэргийн хотхоны 16 дугаар хорооллын дулааны шугамтай холбоё гэсэн боловч дулаан хангамж хvрэлцэх-гvйгээс алдагдал vvсэх аюултай байсан аж. Тиймээс нэгийг нь дулаантай болгох гэж нөгөөг нь зутраагаад яахав хэмээсэн утасны учиг энэ аж. Гэвч уурын зуухнуудыг хувьчиллаа гээд байдал дээрдэхгvй нь. Учир нь, ийм зуух ажиллуулдаг тусгай зөвшөөрөл бvхий аж ахуй нэгж, байгууллагууд дулааны тарифаа нэмэгдvvлэх саналаа нийслэлийн захиргаанд ирvvлээд байна. Тэд оршин суугчдаасаа авсан мөнгөөр өвлийн засвар vйлчилгээгээ хийдэг ч санасандаа хvргэж чаддаггvй гэнэ.

Тиймээс ч засвар vйлчилгээгээ хийх vv, эс бол нvvрс тvлээгээ бэлдэх vv гэсэн сонголтоор өнөөдрийг хvргэснээ учирлаж байна. Ямартай ч тэд жил бvр хойд хормойгоо авч урд хормойгоо нөхөхгvйн тулд vнэ тарифийг эргэж нэг хараач хэмээн хvсч байна. Харин нийслэлийн нэг номерийн асуудал болсон агаарын бохирдолтой байлдаж байгаа удирдлагууд уурын зуухны тvгээх дулааны vнийг нэмэх эсэх нь тодорхойгvй байна.