Та барилгын ямар мэргэжилтэй вэ? Одоо энэ барилгын ямар ажлыг гүйцэтгэж байна вэ?
Би ерөнхийдөө бетон арматурын чиглэлээр ажилладаг. Энэ мэргэжлээрээ сүүлийн таван жил тасралтгүй ажиллаж байна. Одоо ч энэ барилга дээр бетон арматурчингаар  ажиллаж байна.

Ингээд харж байхад та нар хятад ажилчидтай хамт ажилдаг юм шиг байна. Та нарын хооронд янз бүрийн байдлаас болж асуудал үүсдэг үү?
Тиймээ. Асуудал үүсдэг шүү. Биднийг жаахан л маргалдвал хятад ажилчид нь нийлж байгаад зодох тохиолдолд ч гардаг.

Та нарыг хархад алчуур загидсан эсвэл саравчтай малгай өмссөн байна. Тэгтэл эдгээр Хятад ажилчид нь хамгаалалтын малгайтай байх юм. Та нарт ийм хамгаалалтын малгай байдаг уу? Ер нь ажилчиддаа аюулгүй ажиллагааны үүднээс ямар зүйлүүдээр хангадаг вэ?
Бидэнд ганцхан бээлий л өгдөг. Эдгээр хятад ажилчидын хувьд бол өөрсдийн мөнгөөрөө хамгаалалтын малгай авч өмсдөг юм байлаа. Одоо энэ захын багана, арматур бооход их хүндрэлтэй байдаг. Учир нь арматур нахилздаг. Энэ мэтчилэн хүндрэлтэй зүйлүүд их гардаг. Ядаж энэ ажлыг гүйцэтгэж байхад хамгаалалтын бүс өгдөггүй.  Бид ёстой л жинхэнэ хар амиараа дэнчин тавьж байж ажилаа хийдэг юм.

Тэгэхээр энэ барилгын захиалагч тал нь Монгол, гүйцэтгэгч нь Хятадууд гэсэн. Аюулгүй ажиллагааны үүднээс та нар гүйцэтгэгч тал буюу Хятадуудад энэ талаар хэлж байсан уу?
Үнэнийг хэлхэд бидний хувьд хэлж байгаагүй ээ. Өөрсдөө л болгож байдаг. Аль ч тал нь өгөх ёстой байдаг юм буу мэд. Энэ талын мэдээлэл бидэнд огт байдагүй.

Эцсийн эцэст энэ та бүгдийн амьдралтай холбоотой асуудал. Бэртэж гэмтвэл та л хохирно шүү дээ.
Тэр ч тийм л дээ. Гэхдээ байгаа нөхцөлдөө тохирохгүй гээд яах билээ.
Энэ хүн бол жирийн барилгачидын нэг. Үүний цаана мянга мянган барилгачид байгаа. Энэ хүний ярианаас хархад тэдэнд аюулгүй ажиллагааны талаар ямар ч мэдээлэл байдаггүй нь тод харагдлаа. Тэгвэл Үйлдвэрчидийн эвлэлийн хорооноос гаргасан 2000-2006 оны барилгын салбарт үйлдвэрлэлийн ослын судалгаагаар 2000 онд 36 -, 2001-38, 2002-52, 2003-59, 2004-56, 2005-54, 2006-73 болтлоо өсчээ. Мөн үйлдвэрлэлийн ослоор 2000-6, 2001-7, 2002-9, 2003-0, 2004-19, 2005-25, 2006-12 хүн нас барсан гэсэн статистик тоо баримт гарчээ. Тэгвэл Монгол улсын үндсэн хуулийн 16-р зүйлд “ Монгол улсын иргэн хөдөлмөрийн аятай нөхцөлөөр хангуулах эрхтэй” гэж заасан байдаг төдийгүй МУ-ын хөдөлмөрийн тухай хуулиин 6-р зүйлд энэ талаар тодорхой тусгасан байна.  Үйлдвэрлэлийн осол болж, хүний амь эрсдсэн тухай мэдээг Монголчууд маань энгийн мэт хүлээж аваад сурчихаж. Энэ талаар хэн анхаарах ёстой вэ?