Засгийн газрын ээлжит хуралдаан өчигдөр боллоо. Тус хуралдаанаар “40 мянган айлын орон сууц” хөтөлбөрийн хэрэгжилттэй танилцжээ. Энэ талаар ЗТБХБ-ын сайд Х.Баттулгаас тодрууллаа.

-100 мянган айлын орон сууц барих төслийг та санаачилан оруулж байгаа. Хөтөлбөрийг хэзээнээс хэрэгжvvлэх вэ?

-”40 мянган айлын орон сууц” хөтөлбөр 2004 оноос хэрэгжиж эхэлсэн. Өнөөдрийн хуралдаанаар хэрэгжилтийн танилцуулга хийсэн юм. Одоогийн байдлаар 34 мянган айлын орон сууц баригдсан байна. Ер нь, дvгнэх юм бол сайн гэсэн vнэлгээ авахаар байгаа. Нийслэлд 150 орчим мянган айлын орон сууц хэрэгтэй. Хөдөө орон нутагтайгаа нийлбэл 200 гаран мянган болно л доо. Хамтарсан Засгийн газар 2009 оноос эхэлж 100 мянган айлын орон сууц хөтөлбөрийг зарлаж хэрэгжvvлэх тухай ярилаа.

-Арилжааны банкууд зээлээ зогсоосноос барилгын салбар зогсонги байдалд орлоо гэх болсон. Тий-мээс Засгийн газар болон Монголбанкнаас санхvvжилт хийж баригдаж байгаа барилгуудын ажлыг дуусгах тухай яригдах болсон?

-Сарын өмнө барилгын компаниуд Барилгын яаманд зээлжилт хvнд байдалтай боллоо, vvнд анхаарал тавиач ээ гэж санал тавьснаар уулзалтууд хийсэн юм. Барилгын компанийнхан банкныхантай уулзалт хийж Засгийн газар, Монгол банкнаас бодлогын төвшинд анхаарал хандуулъя гэсэн. Тиймээс орон сууцанд зориулсан Монголбанкны зээлийг банкуудтай хамтарч шийдэж эхэлж байгаа юм билээ.

-Нийтийн тээвэрт арван тэрбум төгрөг зарцуулахаас татгалзсан. Зарим гишvvд vvнийг шvvмжилж байгаа. Хуралдаанаар дээрх асуудлыг ярилцсан уу?

-Арав орчим жил парк шинэчлэлт хийгээгvй, хvнд байдалд байгаа газар учир онцгой авч vзье гэсэн асуудал хоёр дахь удаагаа оруулж байна. Энэ асуудлыг шийдэхийн тулд мэдээж цаг хугацаа хэрэгтэй. Өвөл ойртлоо. Нийслэлийнхээ иргэдийг тав тухтай унаагаар vйлчлэх ёстой. Хаанаа гацаад байна гэхээр хөрөнгө мөнгөний асуудал байгаа юм. Хуулиар бол тендер зарлана. Yvний явц нь 90 хоног байдаг. Ер нь, зохицуулах л хэрэгтэй. “Ноолуурын зөрvvд 30.5 тэрбум төгрөг зарцуулах асуудлыг шийдсэн хэрнээ нэг сая хvн амтай хотынхоо нийтийн тээврийг сайжруулахад аравхан тэрбум төгрөг шийдэж яагаад болохгvй байгаа юм бэ” гэсэн шvvмжлэл УИХ дээр гарч байсан. Энэ нь бол зөв л дөө. Нийтийн тээврийн асуудлыг шийдэх байх. Одоо 18 цагаас дахин хуралдахаар болсон.

-400 автобус оруулж ирэх талаар?

- Улаанбаатар хотод мянга орчим том оврын автобус явдаг юм билээ. Yvний 50 хувь гэсэн vг л дээ. Төлбөртэй vйлчилдэг байгууллага учир жил болгон парк шинэчлэл хийгээд байх боломжтой гэж vзэж байгаа.

-Мөрийн хөтөлбөрт шинэ төмөр зам барих тухай тусгах ёстой гэсэн санал их гарч байна. Яригдаж байгаа зvйл байна уу?

-Төмөр замын асуудал бол нэлээн төвөгтэй. Маш том хэмжээний хөрөнгө оруулалт хэрэгтэй болно. Тэрбумаас доошхи хэмжээний ам.доллараар засвар хийдэггvй учраас ярьж л байна л даа. Маргааш /өнөөдөр/ ОХУ-д айлчлах vеэрээ энэ талаар санал солилцох юм.

-Мянганы сорилтын сангаас хөрөнгө оруулалт хийх болсон. Яг хэдэн хувь бэ?