Энэ сэдвээр Х.Баттулга сайд барилгынхантай ярилцлаа. Тулгамдсан асуудал, барилгын салбарыг цаашид хэрхэн хөгжvvлэх талаар санал солилцох уулзалтад төрийн бус байгууллага, барилга угсралтын компаниудын удирдах ажилтнууд, зураг төсөл, материал vйлдвэрлэлийнхний төлөөгчид ирсэн юм.

Уулзалтад оролцсон барилгачид, барилгын материал vйлдвэрлэгчдийн хувьд хамгийн тулгамдсан асуудлын нэг нь боловсон хvчний хvрэлцээ болоод байгааг онцгойлон ярьж байв. Олон залуусыг гадаадад ажиллуулахаар гаргаж, оронд нь хятад ажилчид оруулж ирж барилга дээр ажиллуулж байгаад сэтгэл дундуур байгаа ажээ. Учир нь, ажилдаа мэргэшиж дадлагажсан ажилчид Солонгос, Чех гэх мэт улс руу явж, олон жилийн туршлагатай зарим нь тэтгэвэрт гарснаар ажлын талбар эзэнгvйдэж байгаа юм. Тийм учраас барилгын зах зээлийг төрөөс бодитой дэмжиж, гадаадад ажиллаж байгаагаас нь дутахгvй цалин хөлстэй болгож, монгол хvмvvсээ нутагтаа ирж, энэ салбарт ажиллах хvсэл сонирхол төрvvлэх нь зvйтэй гэсэн санал гаргав. Мөн мэргэжлийн ажилчид сургах, тэднийг дадлага туршлагатай мэргэшсэн ажилчин болгож авахад анхаараасай гэж хvсч байгаагаа сайддаа уламжилсан юм.

Барилгынхан энэ удаа болж байгаа, болохгvй байгаа бvх л зvйлийнхээ талаар санал бодлоо хэлж, сайдтайгаа нээлттэй ярилцсан. Уулзалтын vед хамгийн их анхаарал татсан өөр нэг сэдэв нь барилгын материалын vйлдвэрлэлийг хөгжvvлэх тухай байв. Хэрэв дотооддоо хvчин чадал өндөртэй vйлдвэртэй болчихвол байшин барилгын vнэ хямд байх боломж байгаа юм. Мөн энэ салбарын хууль эрх зvйн орчинг бvрдvvлэхийн тулд УИХ-д яаралтай оруулж хэлэлцvvлэх хэд хэдэн хуулийн төсөл байгаа ажээ. Vvнд уулзалтад оролцогсдын санал бодлыг тусгахыг хvслээ. Барилгачдын хувьд элдэв дvрэм, норм норматив ярьсан хяналтынхан болоод, хэрэгтэй хэрэггvй гарын vсэг, татвар хураамж их тvвэг уддаг байна. Барилгын зураг төсөл зохиолгож, барилгаа барьж эхлэх хvртлээ 50 шахам хvний гарын vсэг цуглуулж, хэдэн арван сая төгрөгийн хураамж, шимтгэл төлдөг гэнэ. Тvvгээр ч барахгvй барилгаа барьж дуусаад, хяналтынханд хvлээлгэн өгч, ашиглалтад оруултлаа мөн л чамгvй хугацаа алддаг зовлон тэдэнд байдаг юм.

Харин барилгын материал vйлдвэрлэгчдийн хувьд ямар зовлон бэрхшээл байгаа талаар Барилгын материал vйлдвэрлэгчдийн холбооны гvйцэтгэх захирал О.Лхагвадорж “Цементийн болон арматурын vйлдвэрлэлийг тvлхvv хөгжvvлэх мастер төлөвлөгөөг өнгөрсөн онд Засгийн газрын 222 дугаар тогтоолоор батлуулаад хуучнаар БХБ-ын сайдын 157 дугаар тушаалаар албан ёсны бичиг баримт болгосон. Одоогоос 16 хоногийн өмнө Тэргvvн шадар сайдад барилгын яамны болоод манай холбооны төлөөлөл мастер төлөвлөгөөг танилцуулах явцад шинэ Засгийн газрын vйлдвэрлэлийн бодлогод оруулахаар тохиролцсон. Харин Засгийн газраас УИХ-д өргөн барьж байгаа бичиг баримтад энэ талаар тусгагдсан байх гэдэгт бид итгэж байгаа. Хамгийн гол нь, барилгын материалын шинэ vйлдвэрvvдийг татва¬раас чөлөөлөх, бизнесийн таатай орчин бvрдvvлэх талаар Засгийн газрын тогтоол болоод хуучин сайдын тушаалд байгаа учраас шинэ Засгийн газар дэмжих байх. Мөн дотоодын vйлдвэрлэл зах зээлээ бvрэн хангаж байхад зарим мате¬риалын импортын хэмжээ хэт их байна. Тиймээс импортоос хамгаалах нь чухал юм” гэж ярив. Мөн тэрээр барилгын материалын тvvхий эд олзворлодог уурхайн татвар өндөр, алт зэсийнхтэй адилхан байгааг онцлон дурдсан. Тvvнээс гадна алт угаадаг цианит натриас болоод хил гаалиар химийн бодис оруулж ирэхдээ тусгай зөвшөөрөл авдаг болсон нь ажлыг нь хэдэн сараар саатуулахад хvргэж байгааг анхаарч vзэхийг хvсэв. Харин Монголын барилгын хөгжлийн группын ерөнхийлөгч Ц.Ганхvv “Хот доторхи барилгын инженерийн шугам сvлжээ барилгын яамны харьяалалд харин хотоос гарсан хот хоорондын замын барилга нь өөр яаманд хамааралтай байдаг. Ингээд хот байгуулах vйл ажиллагаа нь хоёр салчихсан. Бие биетэйгээ барьцаж, эрх мэдэл булаацалдаад ажил урагшилдаггvй гаж зуршил бий болчихлоо. Салбарын хяналтын функцыг яам өөрөө авах хэрэгтэй” гэсэн санал гаргав. Салбарынхаа сайдтай уулзаж, зовлон жаргалаа ярилцсан барилгачид цаашдаа тулгамдсан асуудал болоод ажлын амжилт бvтээлийнхээ талаар нээлттэй байж, сайддаа санал бодлоо хэлж байхаар болов.