2008 оны 11-р сарын 06-ны 15 цагт “Рокмон” төвд Үл Хөдлөх Хөрөнгө Зуучлалын гишүүдийн хурал болж, холбооныхоо дүрэм, татварын хэмжээ, удирдах зөвлөлийн гишүүдээ сонгох хурал зохион байгуулагдлаа. Хурлыг үл хөдлөх хөрөнгө зуучлалын “Патар” компанийн ерөнхий менежер Дүүрэнбаяр ахалсан бөгөөд нарийн бичиг, протокол хөтлөгчөөр “Барилга.МН” мэдээлэлийн төвийн менежер Оюунбилэг ажиллалаа.

Үл Хөдлөх Хөрөнгө Зуучлалын Холбоонд одоогоор үл хөдлөх хөрөнгө зуучлалын үйл ажиллагааг эрхэлдэг байгууллагууд гишүүнээр элсэж болох бөгөөд бүх гишүүдийн хурлыг олонхын саналаар жилд 2 удаа хийж байхаар тогтлоо. Мөн удирдах зөвлөлийн гишүүдийн тоог 9 байхаар тогтоож, удирдах зөвлөлийн гишүүд нь 2 жилээр сонгогдоно. Удирдах зөвлөлийн гишүүд нь:

• Сургалт, судалгаа
• Гишүүнчлэл
• Олон нийтийн харилцаа, маркетинг
• Хууль тогтоомж, бодлого
• Гадаад харилцаа зэрэг чиглэлүүдээр хамтран ажиллахаар тогтлоо.

Удирдах зөвлөлийн гишүүдээр “Ерөө бид”, “Патар”, “Фүжи Бик”, “Реалтор”, “Сакура проперти”, “My home”, “Үйлс”, “Нью Эксперт” зэрэг байгууллагууд сонгогдлоо.

Үл Хөдлөх Хөрөнгө Зуучлалын Холбооны оноосон нэр нь “Хөрөнгө зууч” нэртэй байх юм байна.