Хэнтий аймгийн Усан спортын цогцолборын барилгын эхний хэсэг ашиглалтад орлоо. Найрсаг хамтын ажиллагааны гэрээтэй БНХАУ-ын ӨМӨЗО-ы Хөлөнбуйр аймгийн барилгын компанийн нэг сая 577 мянга гаруй юаний хөрөнгө оруулалт, 50 гаруй хятад ажилчин, аймгийн 30-аад иргэн МСV-ийн төвийн 20 оюутан нэг сарын хугацаанд уг спортын эрэгтэй, эмэгтэй мини бассейныг халуун усны газар, цэвэр бохир усны шугам, цахилгааны дэд өртөө зэрэг барилга байгууламжийн хамтаар барьж дуусав. Одоогийн ханшаар 250 гаруй сая төгрөгийн хөрөнгө оруулалт шаардагдсан энэ усан спортын цогцолборын vндсэн хэсэг болох 10 метрийн өргөн, 25 метрийн урттай, таван зам бvхий усан спортын уралдааны хэсгийг ирэх оны зургадугаар сар гэхэд барьж байгуулж дууссанаар 20-оод ажлын байр бий болно гэж аймгийн ЗДТГ-ын мэргэжилтэн барилгын даамал Б.Гантөгс ярилаа. Тус аймгийн хvнсний vйлдвэрийн балгас болсон хуучин барилгыг худалдан авч засварлан додомдоод олон улсын уралдаан тэмцээнийг ч зохиож болох зvvн бvсдээ хамгийн том бөгөөд анхны энэхvv усан спортын цогцолборыг барьжээ. "Манай Хэнтийн хvvхэд залуучууд гар бөмбөг, бөхөөр төдийгvй усан спортоор ч улсдаа алдар цуутай болох цаг ойрхон байна" гэж Засаг дарга С.Жаргал өгvvллээ.