Сурв: Сүүлийн үед “Номин констракшн” ямар үйл ажиллагаа явуулж байна вэ?
С. Отгонбат: Манай “Номин констракшн” маань сүүлийн үед барилга угсралтын чиглэлээр үйл ажиллагаа явуулж байна. Хамгийн эхний хийгдэж байгаа ажил маань гэвэл 1-р хороололд “Өнөр хотхон” хэмээх 208 айлын орон сууцыг барьж байгуулахаар эрчимтэй ажиллаж байна. Энэхүү орон сууц маань 1, 2-р давхартаа үйлчилгээний төв, 1-р давхартаа “Номин“ супермаркет байрлах юм. Цаашдаа ирээдүйд хотхон болгож барьж, хөгжүүлэх юм. Манай орон сууцны үнэ ханш харьцангуй боломжийн, өрөөний сонголт ихтэй. Жишээлбэл: 2 өрөө нь 45,3-53м² хүртэл сонголттой.

Сурв: Сүүлийн үед хүмүүс барилгыг чанаргүй баригдаад байна гэж их яригдах болсон. Танай орон сууцны хувьд чанарын шаардлага хэр хангаж чадаж байгаа вэ?
С. Отгонбат: Манай хотхоны гол онцлог гэвэл “Номин холдинг” барьж байгуулж байгаагаараа, мөн боломжийн үнээр маш өндөр чанарын барилгыг санал болгож байгаагаараа онцлог. Манай салбар “Номин стандарт” гэж байдаг тэндээс евро стандартын өндөр зэрэглэлийн материалаар дотор болон гадна заслалыг хийж байгаа. Уг барилга маань дандаа евро стандартын материалууд орж байгаа учраас чанарын хувьд айх зүйлгүй. Ер нь ч сүүлийн үед чанаргүй барилга баригдаад байна гэсэн хандлага массын дунд бий болоод байгаа. Харин манайх барилга дээрээ Герман, Монгол инженерүүдтэй хамтарч ажиллаж байгаа.

Сурв: Ашиглалтад орж байгаа  барилгууд тэр бүр хугацаандаа орж чаддаггүй. Хөрөнгө мөнгө, худалдан авалтын байдлаас шалтгаалан удаашрах хандлага байдаг. Танай орон сууцны хувьд тийм асуудал гарахгүй гэх баталгаа бий юу?
С. Отгонбат:Энэ асуултыг хүмүүс маш их хөндөж тавьж байгаа. Манай орон сууц “Номин даатгал”-аараа баталгаажуулсан байгаа. Хугацаандаа орж чадахгүй тохиолдолд манайх алданги төлөх болно. Гэхдээ хугацаандаа багтана гэдэгт итгэж болно. Мөн манай орон сууцнаас худалдан авахад “Номин электроникс”-оос 5-10% хөнгөлөлттэй үнээр авна. Даатгалын хувьд орон сууц авсан тохиолдолд үнэгүй шууд даатгалд хамруулна.

Сурв: Шинээр айл гэр болж буй залуу хосууд маань тэр бүр шууд мөнгөө төлөөд байр авах боломж бага байдаг. Сүүлийн үед зээлээр болон цалингаасаа суцутгадаг үйлчилгээг ихээхэн сонирхох болсон. Танай орон сууцны хувьд тийм хөнгөлөлт бий юу?
С. Отгонбат: Банкууд зээл өгөхөө ерөнхийдөө зогсоосон энэ үед манайх төлбөрийн нөхцөлөө манай салбар “Номин сан”-гийн зээлд хамрагдаж авах боломжыг нээж өгч байгаа.Эхний ээлжинд 35%-ийг нь төлөөд 65%-ийг нь лизингэд хамруулж байгаа. Энэ нь 8 жилийн хугацаатай.

Сурв: Зээлийн хүү өндөр байхаар худалдаж авахад бэрхшээл гардаг. Танай зээлийн хүү банкуудаас ялгаагүй юу эсвэл арай бага байгаа юу?
С. Отгонбат: Зээлийн хүү ер нь нэмэгдээд байгаа. Гэхдээ манай зээлийн хүүгийн хувьд эхний нэг жилийн хугацаанд 0,5%, үндсэндээ зээл 1,99% байгаа.

Сурв: Сүүлийн үед олон нийт орон сууцны үнийг буурна гэсэн мэдээлэлд бүрэн автаж, түр хүлээлтийн байдалд ороод байгаа. Орон сууцны үнэ ханш үнэхээр буух магадлалтай юу?
С. Отгонбат: Яг үнэндээ сайн чанартай орон сууцнууд өндөр өртөгөөр босдог. Хуучин орон сууцны хувьд үнэ 10 гаруй сая төгрөгөөр буурсан хандлага байна. Гэхдээ шинэ орон сууцны хувьд шнэ тогтвортой байх чиг хандлагатай байгаа.

Сурв: Танайх бас үл хөдлөх хөрөнгө зуучлалын үйл ажиллагааг явуулдаг. Хүмүүс энэ зуучлалын талаар буруу ойлголт нэлээд байдаг. Энэ бол мөнгө олох арга, дундаас нь мөнгө унагах гэж байна гээд л. Яагаад ер нь заавал үл хөдлөх хөрөнгө зуучлалын байгууллагаар үйлчлүүлэх ёстой юм бэ?
С. Отгонбат:Дэлхийн нийтийн чиг хандлагыг харахад ч гэсэн манайхтай нийлээд маш цөөхөн улс орон л өөрсдөө үл хөдлөх хөрөнгөө худалддаг. Ерөнхийдөө зуучлалын үйл ажиллагаа маань ямар ч эрсдэлгүй болгож өгдөг л давуу талтай. Үл хөдлөх хөрөнгө худалдан авах, худалдахдаа ийш тийшээ явж судлах шаардлагагүй бүх л мэдээлэлийг үнэн бодитоор авч болох давуу талтай. Гэтэл хүмүүс буруу ойлгоод их шимтгэл аваад байна гэж ярьдаг. Ард иргэд маань эрсдлийг ойлгох хэрэгтэй. Маш олон хуурамч гэрчилгээ, гэрээнээс болоод олон хүн хохирч байдаг. Энэ олон эрсдэлээс урьдчилан сэргийлж, зогсоож чаддаг байгууллага бол үл хөдлөх хөрөнгө зуучлал юм.

Сурв:Эдгээрээс өөр ямар шинэ ажлуудыг зохион явуулж байна вэ?
С. Отгонбат: Ард иргэд маань шинэ орон сууцны талаарх мэдээлэлийг авч болох нэгэн үйл ажиллагааг шинээр эрхлэн явуулж байна. Энэ маань манай “Номин зууч” төвөөс шинэ орон сууцны төвлөрсөн худалдааг явуулж эхлээд байна. Өнөөдрийн байдлаар бид “Барилга корпораци”-ийн “Намуун дэнж” цогцолбор, 40 мянган айлын орон сууц хөтөлбөр, “Атар өргөө” компанийн орон сууц зэрэг шинэ орон сууцны мэдээлэл, зөвлөгөөг дэлгэрэнгүй өгч байгаа.