Барилга МН

Монголд анх удаа зохион байгуулагдаж байгаа үл хөдлөх хөрөнгийн үзэсгэлэн яармаг 2008 оны 11 сарын 11-13-ны өдрүүдэд болох бөгөөд үл хөдлөх хөрөнгө зуучлал, барилга орон сууц, хөрөнгө оруулалтын компаниуд оролцож байна.

Үзэсгэлэн яармагын зорилго нь үл хөдлөх хөрөнгийн зах зээлийг тогтворжуулах, иргэдийг үл хөдлөх хөрөнгө түрээслэх, худалдах, худалдан авахад гарах эрсдэлээс хамгаалахад оршино.

Үзэсгэлэн яармагт Номин зууч, Демозу, Сакура проперти, Фужибик, Реалтор, Патар, Ерөө бид зэрэг үл хөдлөх хөрөнгө зуучлалын салбарт тэргүүлэгч компаниуд болон Модун, Монтед, Гангар инвест, Булбул, Алтан өргөө, Модерн таун, Меритон, Нарлаг сууц, Хавай таун, Сычишие, Барилга Мега стор, Ширэвгэр, Американ стандарт, Эс Пи Сервис, Барилга.МН зэрэг ААН, байгууллагууд оролцож байна.

Үзэсгэлэн яармагт ирсэнээр:

• Үл хөдлөх хөрөнгө худалдах, худалдан авах болон түрээсийн талаар мэргэжлийн зөвлөгөө
• Шинэ орон сууцны үнэ ханш, байрлал, захиалгыг хэрэглэгчдэд танилцуулах
• Орон сууцны захиалгын үнийн хөнгөлөлт эдлэх, зээлэнд хамрагдах боломж
• Үл хөдлөх хөрөнгийн зах зээлийн бодит байдал, цаашдын чиг хандлага

          Мөн 2008 оны 11 сарын 13-ны 14 цагт Мэдээлэл Технологийн Үндэсний Паркийн хурлын танхимд болох “Үл хөдлөх хөрөнгийн зах зээлийг хэн хамгаалдаг вэ?” нээлттэй уулзалт ярилцлага болно. Энд ирсэнээр:

• Үл хөдлөх хөрөнгийн зах зээлийг хямруулах хэнд ашигтай вэ?
• Монголын үл хөдлөх хөрөнгийн зах зээл хямралд орсон уу?
• Үл хөдлөх хөрөнгийн үнэ ханш цаашид буух уу?
• Үл хөдлөх хөрөнгийн зах зээлийг хэн хамгаалдаг вэ? зэрэг асуултуудын хариултыг авах, санал бодлоо солилцох боломжтой.

Уулзалт ярилцлаганд ЗТБХБЯ, ЭХЭУБГ, МБХолбоо, ҮХХЗуучлагчдын холбоо, БЗМТөв, ҮХХЗуучлалын болон барилгын салбарын ААН байгууллагуудын төлөөлөгчид оролцоно.
Оролцохыг хүссэн хүн бүр оролцох боломжтой.