Монголд анх удаа үл хөдлөх хөрөнгө зуучлалын үндэсний шуурхай сүлжээг үндэсний шуурхай зуучлалын “Демозу” групп 21 аймагт салбараа байгуулахаар болсонтой холбогдуулан 2008 оны 10-р сарын 22-ны 11:00 цагт “Монгол ньюс”-д хэвлэлийн бага хурал хийлээ. Ингэснээр Монгол улсын нутаг дэвсгэр дээр эргэлтэнд орж буй бүхий л төрлийн үл хөдлөх хөрөнгийн талаарх мэдээллийг иргэд түргэн шуурхай зар авч, зарах, худалдаалах гэж буй байр сууц, газраа алсын зайнаас захиалах боломж бүрдэх ажээ.

            Мөн “Демозу” групп нь саяхан дэргэдээ “Демозу“ санг байгуулжээ. Нийгмийн сайн сайханы төлөө үйлчлэх тус сангийн эхний ажил нь хэвлэл мэдээллийн салбарт ажиллагсадад чиглэсэн байх юм.

            Үндэсний шуурхай зуучлалын сүлжээ “Демозу“ групп нь үл хөдлөх хөрөнгө зуучлалын чиглэлээр үйл ажиллагаа явуулахын зэрэгцээ нийгмийн сайн сайханы төлөө буяны үйлст хүчин зүтгэхээр болж хэвлэл мэдээллийн салбарт ажиллаж буй сэтгүүлч, уран бүтээлчдийн дунд нийтлэл, нэвтрүүлгийн уралдааныг зарлажээ. Уг нийтлэл, нэвтрүүлгийн сэдэв нь эрүүл мэндийн сэдвээр нийгмийг хамарсан, асуудал дэвшүүлсэн, олон нийтийн сэтгэл зүй, нийгмийн амьдралд нөлөөлөхүйц, дэвшилтэт санаа бүхий мэргэжлийн шаардлагад нийцсэн өүтээлүүд байх ёстой ажээ. Бүтээлийг 2008 оны 10-р сарын 22-ноос 2009 оны 04-р сарын 29-нийг хүртэл хүлээн авах бөгөөд шагналын сан нь 500 доллар юм байна.