Малчдын саналыг авах зорилгоор амласан "агаарын санаа" УИХ-ын нэг хивнэгт багтчихаад байгаа эрхэм гишvvдийн шvдний євчин болоод байна.

Єнгєрсєн хавар нэг килограмм ноолуурын зах зээлийн vнэ 30 мянгаас доош орсон тохиолдолд зєрvvг нь Засгийн газраас олгох тухай УИХ-ын тогтоол гарган, сонгуулийн сурталчилгааны амлалт нэг болгон, нvvрэндээ барьцгаан хєдєєгvvр бишгvй нэг давхилдсаны гор ийнхvv гарч байна.

Гэтэл єнєєдєр нэг килограмм ноолуур 24-25 мянган тєгрєгийн ханштай байна. Малчид энэхvv шийдвэрийг харзнан, єнєє хэр самнасан ноолуурынхаа vлэмж хэсгийг борлуулаагvй, дарсан хэвээр. УИХ-аар хэлэлцэж буй энэ оны тєсвийн тодотголд нийт ямааны тоо толгой, нэг ямаанаас авах ноолуурын дундаж зэргийг тооцоолон 28 тэрбум тєгрєг нэмж суулган, малчдад єгєх болчихоод байгаа нь гишvvдийг талцуулан хэрэлдvvлж, татвар тєлєгчдийн эгдvvцлийг хvргэлээ.

Малчдад зvгээр л май гээд ганц удаа єгчих энэ мєнгєєр тэгвэл юу хийж болох вэ. Орон сууцжуулах, агаарын бохирдлыг бууруулах тухай амтай болгон ярьж байна. Орон нутгийн сонгуульд нэр дэвшигчид бол бvр илvv ярьж байна. Тэгвэл 28 тэрбум тєгрєгєєр угсармал орон сууцны нэг єрєєг 39 сая тєгрєгєєр тооцон худалдаж авбал 717 єрхийг тохилог сууцанд оруулж болно. Шинээр баригдаж буй барилгад захиалга єгєх аваас нэг єрєє нь 27 мянган ам.доллар гэвэл 942 залуу хос голомтоо бадраах боломж бvрдэх аж. Харин дотроо євлийн сууцтай дєрвєн тал хашааг 10 сая тєгрєгєєр авна гэж vзвэл єєрийн гэсэн орон гэргvй 2800 айл толгой хоргодох юмтай болно гэсэн vг.

Тэгэхээр 942 єрх орон сууцанд орно гэдэг Гандангийн бvх айлыг газарт оруулж, Яармагийн гэр хорооллын дийлэнхийг нvvрс тvлэхээс татгалзуулж чадах юм. Нийслэлийн агаарын бохирдлын 90 гаруй хувийг гэр хорооллын айлууд "vйлдвэрлэдэг" гэж тооцвол ийм тооны айл тєвийн халаалттай байранд орно гэдэг чамлах юм биш ээ.

Роберт Хайнлайны "Заан гэдэг бол Засгийн газрын захиалгаар хийсэн хулгана юм" хэмээн хэлсэнчлэн энэ олон шударга бус, ил юм шиг хэрнээ далд эдийн засгийн луйвруудаа тєр хэзээ нэг зогсоох юм бол. Єнгєрсєн зун Засгийн газар шатахуун импортлогчдод тєсвєєс мєн л сонгуулийн ємнє бензиний vнийг барьж єгсєний шагналд нь 27 тэрбум тєгрєг гарган єгч байв. "Юуг ч амлаж болно. Хожим учир нь олдож л таарна" гэсэн афоризм байдаг ч Монголын тухайд нэгдvгээрт тэгж даажигнаж суух цаг нь биш, хоёрдугаарт хожим гэдэг тодорхойгvй цаг хугацаа ба хэт харьцангуй ойлголт юм.

Ардчилал