Хөдөлмөрийн тухай хуулийн 109.5 дахь заалтын дагуу “Насанд хүрээгүй хүнийг ажиллуулахыг хориглосон ажлын байрны жагсаалт”-ыг Нийгмийн хамгаалал, хөдөлмөрийн сайдын 2008 оны 9 дүгээр сарын 26-ний өдрийн 107 тоот тушаалаар баталлаа.

Жагсаалтаар 18 насанд хүрээгүй хүнийг эдийн засгийн 12 салбарын 53 ажлын байр, 40 ажил мэргэжлээр албан ба албан бус секторт ажиллуулахыг хориглож байна.

Шинэчлэн баталсан жагсаалт нь өмнө мөрдөж байснаас дор дурьдсан ялгаатай. Үүнд:

1. Жагсаалтад эдийн засгийн үйл ажиллагааны салбарын ангилалыг олон улсын жишигт нийцүүлсэн

2. Хөгжлийн явцад бий болсон аялал жуулчлал, худалдаа, үйлчилгээний салбар дахь ажлын байр, үйл ажиллагаа, ажил мэргэжлийг тусгасан

3. Жагсаалтын хамрах хүрээ зөвхөн эдийн засгийн албан бус, албан бус хэвшил, ХАА-н салбарыг ч хамрах боломжтой

4. Жагсаалтад тусгагдсан ажлын төрлүүд нь э/з-ийн үйл ажиллагаа, ажлын байр, ажил, мэргэжлээр ялгавартай туссаны зэрэгцээ хүүхдийн эрүүл мэнд, амь насанд учрах аюулын төрлийг нийтлэг, ажлын байрны орчин нөхцөл, үйлдвэрлэлийн процесс, салбарын онцлогтой уялдуулсан нь практикт хэрэглэхэд илүү хялбар, ойлгомжтой болсон.

 /Жагсаалтыг Бүлгүүдийн хөдөлмөр эрхлэлт дэд хэсгээс эхээр нь үзнэ үү/

Жагсаалтыг эндээс татаж авна уу