Монгол Улсын Барилга, хот байгуулалтын сайдын 2006 оны 62 дугаар тушаалаар батлагдсан уламжлал болгон зохион байгуулан явуулдаг “Тэргүүний барилгачдын шинэ жил”-ийн цэнгүүнийг энэ онд мөн тэмдэглэхээр бэлтгэл ажил хийгдэж байна.

Шинэ жилийн цэнгүүн дээр тухайн оны шилдэг байгууллага, хүмүүсийг зарласан номинацуудаар шалгаруулдаг уламжлалтай билээ.  Энэ оны номинацид нэр дэвшигчдийг шалгаруулах комиссоос 2007 оны шилдэг байгууллага, хүмүүсийг дараах номинацуудаар шалгаруулахаар шийдвэрлэжээ.

Үүнд:
1.    Оны хамгийн их барилга угсралтын ажил гүйцэтгэгч байгууллага
2.    Шилдэг технологи нэвтрүүлсэн барилгын материалын үйлдвэр
3.    Оны шилдэг зураг төслийн байгууллага
4.    Оны шилдэг хөрөнгө оруулагч
5.    Хамгийн олон ажлын байр шинээр бий болгосон байгууллага
6.    Мэргэжил сургалтыг дэмжигч шилдэг байгууллага
7.    Хот байгуулалтын хамгийн шилдэг орчинг шинээр бүрдүүлсэн барилга байгууламж
8.    Оны шилдэг барилгачин
9.    Оны шилдэг зураг төсөл зохиогч

Дээрхи номинацуудаар оны тэргүүний шагналд нэрээ дэвшүүлэгч нь дараах материалыг бүрдүүлнэ.

1.    Номинацид нэрээ дэвшүүлсэн өргөдөл
2.    Албан газрын тодорхойлолт
3.    Нэр дэвшүүлж буй номинацийн хүрээнд хийсэн ажил бүтээл, танилцуулга, зураг төсөл зэргийг баталгаажуулан ирүүлэх
4.    Бүтээл, ажил, танилцуулга, зураг төслийн талаархи захиалагч, хэрэглэгч, ашиглагч нарын дүгнэлт, тодорхойлолт

Оны тэргүүнийг шалгаруулах номинацид нэрээ дэвшүүлэхээр ирүүлэх материалаа 2007 оны 10 дугаар сарын 25-наас 12 дугаар сарын 01 хүртэл Барилга, хот байгуулалт, нийтийн аж ахуйн үндэсний төвд ирүүлэх юм байна