“Заг”  компани нь 1991 онд байгуулагдсан компани. Одоо хэдэн хүний бүрэлдэхүүтэй, барилгын салбарт ямар ямар үйл ажиллагаа явуулж байна вэ?
Манай компани нь байгуулагдаад 16 жил болж байна. Энэ хугацаанд 160 гаруй ажиллагсадтай, барилгын угсралт, засал чимэглэл,засвар, худалдаа, үйлчилгээ, сургалт, дадлагажуулалт, жуулчин гэсэн чиглэлүүдээр үйл ажиллагаагаа явуулж байна.

Танай компани нь байгуулагдсан цагаасаа хойш ямар барилга байгууламжыг  барьж босгож байсан вэ?
Байгуулагдсанаасаа хойш нийтдээ 350 гаруй барилга объектын угсралт, гадна дотор засал засвар, шинэчлэлтийн ажилыг хийж гүйцэтгэээд байна. Тухайлбал: Төв шуудан, хотын захиргаа, Дархан хотын хотш банк, Монгол улсад суугаа Чех Улсын Элчин Сайдын Яам, Монгол улсад суугаа Франц Улсын Элчин Сайдын Яам, УИХ-ын чуулганы танхим....... гэх мэт

“Заг” компани нь барилгын худалдаа үйлчилгээ явуулдаг. Энэ талаараа ярина уу?
Манай компани нь УБ хотын 10-р хорооллын нутаг дэвсгэр дээр 720м² талбай бүхий барилгын материалын худалдааны төвтэй. Жилд 24000м²  хөнгөн бетон үйлдвэрлэх хүчин чадалтай хөнгөн бетон завод ажилладаг. Энэхүү завод нь дотоод зах зээлийг хөнгөн бетоноор бүрэн хангадаг юм. Мөн бид Герман, БНХАУ, БНСУ, Чех зэрэг улсуудтай хамтран ажилдаг төдийгүй барилгын бүх төрлийн материалыг импортоор оруулж ирж худалдаалдаг.

Хэдэн оноос эхэлж сургалт дадлагажуулалт явуулж эхэлсэн бэ?
1993 оноос гадаадад хөдөлмөр эрхлэхэд зуучлах үйл ажиллагааг явуулж байгаа бөгөөд одоогоор нийт 2259 хүнийг ОХУ-490, Чех-385, АНУ-128, БНСУ-983, Япон улсад 273 Монгол ажилчидыг гэрээгээр ажиллуулж дадлагажуулсан. Манай компани 2004 онд Техник Технологийн Коллежийг хувьчилж авсан юм. Коллеж маань нэг ээлжиндээ 1000 гаруй хүүхэд сургах хүчин чадалтай 4 давхар хичээлийн, 2400м² сургалт дадлагын газар, 400 оюутан амьдрах оюутны байртай. Одоо манай коллежид 1200 гаруй оюутан сурагч, 80 багш ажиллагсадтай сургалт хүмүүжилийн ажил явуулж байна.

Танай жуулчлалын бааз хаана байрладаг вэ?
Манай компаны үйл ажиллагааны нэг болох жуулчлалын баазыг 2002 оноос явуулж байгаа бөгөөд УБ хотоос 15 км зайтай байгалийн үзэсгэлэнт газар байрладаг. Өвлийн улиралдаа цанын баазыг ажиллуулдаг юм.

Тэгэхээр 2-лаа ярилцлагаа тун удахгүй ашиглалтад орох 114 айлын орон сууцны талаар үргэлжлүүлье. Барилга маань ямар үе шатандаа явагдаж байна вэ? Одоогоор байрны захиалга хэдэн хувьтай байна вэ?
Энэхүү 114 айлын орон сууц нь 6-р сард баригдаж эхэлсэн бөгөөд А блок, Б блок гэсэн 2 хэсэгээс бүрдэх 9 давхар 2 барилга баригдаж байна.  Барилгын төлөвлөлтийн дагуу бол А блок нь 2007 оны 12-р сард, Б блок нь 2008 оны 5-р сард ашиглалтанд орно гэсэн хэдий ч бид хугацаанаас нь өмнө 2 барилгаа хоёуланг нь ашиглалтанд оруулах гэж байна. Барилга маань одоогоор дотор засал чимэглэлийн ажилдаа орсон байгаа. Энэ нь Монголд хамгийн түргэн баригдаж байгаа орон сууц юм. Захиалгын хувьд 70%-тай явагдаж байна.

Барилгынхаа талаар ярьвал?
Манай компанийн барьж байгаа энэхүү орон сууц нь сүүлийн үеийн шийдэлээр зураг төсөл нь хийгдсэн бөгөөд орчин үеийн техник технологи, чанартай материалаар мөн дотор халаалтын систем бохир усны системийг цэвэр европ стандарт , тэр дундаа Италийн материалыг ашиглан хийгдэж байгаа. Ерөнхийдөө барилга маань Европ дизайнаар хийгдсэн.

Цаг зав гаргасан танд их баярлалаа.
Эрхэм хэрэглэгч та 114 айлын орон сууцыг сонирхож байгаа бол “Заг” компаны төв байранд болоод баригдаж буй барилга дээр очиж уулзан барилгатайгаа танилцаарай. Үнэ ханшийн хувьд 1м² 650 долларын үнэтэй байгаа.  Мөн 99009400, 99199763 гэсэн утсаар холбоо барьж болно.