Бритни Жийн Спирс 1981 оны 12-р сарын 2-нд АНУ-ын Миссисипи мужийн Маккомт төрсөн ч Луйзиана мужийн Кентвүүдэд өсч торнижээ. Тэрээр багадаа гимнастик, бүжгээр хичээллэж, багагүй амжилтанд хүрч байв. Гэхдээ энэ бүхнээс илүү дуулах дуртай байжээ. Сүүлийн жилүүдэд түүний амьдрал нөхрөөсөө салсан, хүүхдүүдээ асран хамгаалах эрхгүй болсон гэх мэт олон ээдрээ нугачааг туулж байна. Гэвч түүний амьдрал үргэлжилсээр л байгаа.

Түүний хамгийн том амжилт болох 90-ээд оны сүүлээр гарсан "...Baby One More Time" хэмээх цомог нь залуучуудыг тэр аяар нь байлдан дагуулсан юм. Энэ цомог 13 сая хувь борлогдон дэлхийд нэр нь цуурайтаж, уг цомгийн дараа 2000 онд "Oops!...I Did It Again," цомог нь мөн л 9 сая хувиар борлогдож байжээ. Америкийн түүхэнд хамгийн их орлогтой дуучин эмэгтэйн тоог нэгээр нэмсэн тэрээр 83 сая долларын хөрөнгөтэй юм.

Бритни энгийн атлаа тансаг байдлыг эрхэмлэдэг болохоор түүний байшин ч бас энгийн хэв загвартай харагддаг ч доторх орчин, цэцэрлэгт хүрээлэн, усан сан зэргийг нь харахад ямар ч хүний сэтгэл татагдахаар сайхан дизайтай байдаг. Өрөөнүүдийн ихэнх өнгийг хүрэн, бор шаргал өнгүүд эзэлж байгаа нь хуучин хэв маяг шиг байгаа боловч сонгодог загварыг харуулсан нь улам чамин тансаг харагдахад оршиж байгаа юм. Тэр гэртээ тав тух, эмх цэгцийг эрхэмлэдэг гэрийн эзэгтэй нарын нэг гэдэгтэй түүний гэрийг хараад санал нийлж байгаа гэдэгт итгэж байна.

БАРИЛГА.мн
Солонго