Барилгын салбарт төдийлөн яригддаггүй асуудлууд олон байна. Чухам тэрхүү асуудлуудыг авч үзэн, ямар шийдэлд хүрвэл зохистой вэ гэдгийг тодорхойлохын тулд “Барилгын салбарын борлуулалт” сэдэвт семинарыг “Барилга.мн” Барилгын зөвлөгөө мэдээллийн төв, “Just Now” Marketing & PR agency хамтран зохион байгуулж байна.
Барилгын салбарт үйл ажиллагаа явуулж байгаа бизнес эрхлэгчид зах зээлээ өргөжүүлэхийн тулд реклам сурталчилгааны оновчгүй сувгийг ашиглаж маш их зардал гаргадаг. Харин ямар төрлийн реклам сурталчилгааны сувгийг ашиглавал илүү үр дүнтэй байх, мөн семинарт оролцож байгаа байгууллагууд борлуулалтаа нэмэгдүүлэхэд нь туслахад тус семинарын зорилго оршиж байгаа болно. Барилгын салбарын байгууллагуудын удирдах ажилтан болон маркетингийн ажилтнууд, хөрөнгө оруулагчид уг семинарт оролцох ба ямар нэгэн төлбөргүй бөгөөд гол нь барилга сонирхогч хэн бүхэнд тус семинарын үүд хаалга нээлттэй.
Семинар 5 сарын 1-ний өдрийн /өнөөдөр/ 15 цагт Мэдээллийн технологийн үндэсний паркийн хурлын танхимд нээлтээ хийж,

• Интернет маркетингийн талаар “Е-Монгол” компани
• Барилга.мн
• “Жижиг дунд бизнесийн маркетинг” сэдвээр “Just Now” Marketing & PR агентлагийн захирал Онон,
• “Пи Ар бол дайчин, Реклам бол манаач” сэдвээр Удирдлагын академийн Олон нийтийн харилцааны багш Б.Энхболд нар илтгэл тавих бол
• Түүний дараа “Борлуулалтыг нэмэгдүүлэхэд банкны оролцоо” /Томоохон арилжааны банкууд илтгэл тавина/
• Эцэст нь хэлэлцүүлэг болсноор семинар өндөрлөнө.