Шинэ жил хаяанд ирж байгаа энэ үед албан байгууллагууд, хувь хүмүүс дор бүрнээ баяраа хэрхэн яаж тэмдэглэн өнгөрүүлэх тал дээр анхаарч байгаа. Тэгвэл 12-р сарын 23-ны өдөр барилгын салбарынхан маань өөрсдийн шинэ жилийн баярын цэнгүүнийг ёслол төгөлдөр зохион байгууллахаар болоод байна. Жил бүр уламжлан тэмдэглэдэг Монголын барилгачидын шинэ жилийн баярыг Барилга хот байгуулалтын яам, Барилга хот байгуулалт нийтийн аж ахуйн үндэсний төв, Монголын барилгын инженерүүдийн холбоо, Монголын барилгын материал үйлдвэрлэгчдийн холбоо хамтран зохион байгуулах юм. Драгон кабарет театрт  оройн 19 цагаас болох энэхүү цэнгүүний үеэр нээлтийн ёслол, мэндчилгээ, урлагийн тоглолт, тэмцээн, азтан шалгаруулах арга хэмжээ болоод 2007 оны барилгын салбарынхны шилдэгүүдийг 9 номинациар тодруулж шагнал гардуулах гээд олон олон арга хэмжээ болох юм байна.

                    Зохион байгуулагчидын зүгээс цэнгүүнд оролцох аж ахуй нэгж, байгууллагууд байгууллагынхаа реклам, мэндчилгээг цэнхэр дэлгэцээр нэвтрүүлж логогоо байршуулах боломжтой гэж хэлж байлаа.

                   Эрхэм та энэхүү арга хэмжээнд оролцохыг хүсч, шинэ жилийнхээ цэнгүүнийг мэргэжил нэгттэйгээ халуун дулаан уур амьсгал бүрдүүлэн нэгэн үдшийг хамтдаа өнгөрүүлэх боломжыг олгож байна. Монголын барилгынхны шинэ жилийн баярын бүртгэл Монголын барилгын инженерүүдийн холбооны байранд 12-рсарын 19-нийг хүртэл явагдана. Илүү дэлгэрэнгүй мэдээллийг авахыг хүсвэл 330985, 330986,99145503, 99881567 гэсэн утаснаас лавлаж асууж болно.