Барилгын салбар сүүлийн жилүүдэд эрчимтэй хөгжиж олон сайхан орон сууц баригдаж ашиглалтанд орж, олон гэр бүл тохилог орон сууцанд орсон билээ. Монгол улсын засгийн газраас 40000 айлын орон сууцны хөтөлбөрийг хэрэгжүүлж ОССКорпораци олон орон сууц барихаар төлөвлөж байсан ч одоо барихааргүй болж байх шиг байна. 2008 оны эхнээс Монгол Улсын засгийн газраас инфляцийг бууруулах зорилгоор мөнгөний хатуу бодлого баримталсанаар арилжааны банкууд барилгын салбарт зээл өгөхөө зогсоосон.

            Цаашид ч Монголын төрөөс 2009 онд ч инфляцийг бууруулахаар мөнгөний хатуу бодлого баримтална гэж үзэж байна. Энэ нь дараа жил ч барилгын компаниудад зээл өгөхгүй, орон сууц авах хүмүүс ч өндөр хүү төлж зээл авахгүй нь тодорхой. Хэрэв энэ байдал удаан үргэлжилбэл барилгын жижиг компаниуд хадгаламж зээлийн хоршооны араас дампуурах нь дамжиггүй болоод байна. Томоохон хөрөнгөтэй, компаниуд тэсч үлдэж чадах байх.

            Банкууд барилга худалдан авах хүнд нь зээл өгдөггүй юмаа гэхэд барьж байгаа компаниудад нь тэр байгаа орон сууц, байгаа хөрөнгөөр хангалттай баталгаа гаргуулаад зээл олгож болмоор л юм даа. Мөн ОССК-д төвлөрсөн мөнгөнөөсөө барилгын компаниудад зээл олгож барилгыг нь дуусгаж болмоор юм.

            Барилгын компаниуд захиалагчдын өгсөн урьдчилгаа мөнгөөр барилгаа эхлээд дуусалгүй зогсож байна. Үлдсэн мөнгөө захиалагчидаас авах гэхээр барилга нь дуусаагүй, мөнгөгүй захиалагч нь банкнаас зээл авч чадахгүй, барилгын компанид банк нь зээл өгөхгүй тэгээд л нам зогсож байна. Иргэд ч дуусаагүй барилгад орон сууцны захиалга өгөхөө болилоо.

            Улс төрчид нь байрны үнийг буулгана, хашааг нь байраар сольж өгнө гэж амлаад байхад хямдарсан хойно нь байр авах хүлээлтийг ихээр бий болгож байна. 

            Ажилчид нь цалингаа, барилгын материал нийлүүлэгчид нь мөнгөө авах гээд, мөн үнэтэй байхад нь захиалсан захиалагчид нь мөнгөө буцааж авах гээд хууль хяналтын байгууллагад хандсанаар төлбөрийн чадваргүй болсон барилгын компаниуд дампуурлаа зарлаж, хадгаламж зээлийн хоршооны дараах хамгийн олон хохирогчтой, хамгийн их мөнгөн дүнтэй хэрэг мандаж болзошгүй болоод байна. Барилгын газар, дутуу барьсан барилгы нь зараад ч үнэ хүрэхгүй учир хохиролыг нөхөн төлж чадахгүй.                       

            Тэр ямаанд өгч байгаа 30 тэрбумаа барилгынханд өгсөн бол ямар их орон сууц ашиглалтанд орох байваа. Төрөөс одоо үүнд анхаарлаа хандуулахгүй бол түгшүүрийн харанга дэлдэж байна шүү. Ниргэсэн хойно нь хашхираад ч нэмэргүй...

            Уншигч та бүхэн барилгын салбарт болж байгаа үйл явдал, санал гомдол, сонин содон мэдээллээ бусадтай хуваалцахыг хүсвэл манай barilgamn@yahoo.com хаягаар бидэнд илгээнэ үү.