Ерөнхийлөгч Н.Энхбаяр өнгөрсөн цагаан сараар нийслэлийн хамгийн өндөр настны гэрт нь очиж золгосон билээ. “Орон сууцанд амьдармаар байна” гэж 107 насны босгыг алхаж байгаа Чингэлтэй дvvргийн 17 дугаар хорооны иргэн, Т.Догсмаа Ерөнхийлөгчид хvсэлт тавьсан юм. Тvvний хvсэлтийг нийслэлийн удирдлагууд ёсоор болгож азай буурал маань шинэ орон сууцны босгыг алхах нь ээ. Нийслэлийн Засаг дарга Т.Догсмаа гуайн хvсэлтийг ёсоор болгож Баянзvрх дvvргийн 13-р хорооны нутаг дэвсгэрт байрлах 127-р байрны 3 тоот хаалганы тvлхvvрийг өчигдөр гардууллаа. Ийнхvv нийслэлийн хамгийн өндөр настан тав тухтай амьдрах боломжтой боллоо. Говь-Алтай аймгийн Эрдэнэ сумаас хотод анх ирж суурьшсан Т.Догсмаа гуай өдгөө 60, 80 гарсан охид, ач хvvгийн хамт амьдардаг аж.

Насаараа хөдөө мал маллаж, есөн хvvхэд төрvvлсэн тэрээр vр хvvхэд, ач гуч, зээ нийлээд 70 хvрч дөрөв дэх vеэ vзэж байгаа буянтай буурал юм. Өндөр насны босгыг элээж яваа тэрээр “Хvvхдvvдээрээ тэжээлгээд байж л байна даа. Хvйтэнд гадаа гарч бие засах нь хэцvv байдаг юм. Одоо хөл өвдөөд байдаг боллоо. Хальтирч унах вий гэж санаа зовоод л” гэж хэлж байсан. 40 сая гаруй төгрөгийн өртөгтэй нэг өрөө байрыг “Эко констракшн” ХХК-ийн орон сууцнаас авсан юм билээ. Тус компанитай нийслэлийн ЗДТГ-аас “Орон сууц нийлvvлэх гэрээ” байгуулсан бөгөөд холбогдох хууль тогтоомжид заасны дагуу санхvvжилтийг тухай бvрт нь хийж барилгын ажил дуусмагц ийнхvv тvлхvvрийг нь гардуулжээ. Шинэ байрны тvлхvvрийг авангуутаа Нийслэлийн Засаг даргын орлогч Б.Баатарзориг, Нийслэлийн Засаг даргын Тамгын газрын Төрийн захиргааны удирдлагын хэлтсийн дарга Y.Ганболд нар Т.Догсмаа гуайнд зочилсон нь энэ. Т.Догсмаа гуай ирсэн зочдоос “Шинэ байрандаа цугаараа нvvж орж болох уу” хэмээн дахин дахин асууж байсан юм. Тэрээр ганцаараа нvvж ороод бас л хvн хvчгvй хэцvvднэ гэж санаа зовсон бололтой. Б.Баатарзориг дарга “Та намайг аваад явсан ч болно шvv дээ” гэж тоглоом хийхэд инээгээд л суусан. Т.Догсмаа гуай “Өндөр насны эцэст ийм сайхан юм vзлээ. Их баярлаж байна. Шинэ сууцандаа сайн өдрийг харж байгаад нvvж орно. Та нарыгаа шинэ байрныхаа мялаалганд урина” хэмээгээд ирсэн хvн бvрийг нар шиг мандаж, навч шиг дэлгэрч яваарай гэж ерөөлөө.