Зам тээвэр, Барилга, хот байгуулалтын яам агаарын бохирдлыг бууруулах, гэр хорооллын утааг багасгах, эрчим хүчний хэмнэлттэй орон сууцаар барилгажуулах ажлыг дэмжих зорилгоор олон улсад хүлээн зөвшөөрөгдсөн Канад улсын модон каркасан барилгын технологийг нэвтрүүлэх, таниулах төслийг хэрэгжүүлж эхлээд байна.

Дэлхийн олон улс оронд энэхүү технологийг нэвтрүүлж, норм, дүрийг боловсруулан мөрдөж байгаа хэд хэдэн шалтгаан байдаг. Тухайлбал Япон улсад энэ технологийг нутагшуулах болсон гол шалтгаан нь газар хөдлөлтөнд хамгийн тэсвэртэй болохоор. Харин монгол орны хувьд дулаан алдагдал багатай учраас эрчим хүчний хувьд хэмнэлттэй хүйтэн, сэрүүн уур амьсгалтай нөхцөлд илүү тохиромжтой. Мөн сунгаж, өргөтгөхөд хялбар, богино хугацаанд барих боломжтой зэрхгийг дурдаж болох юм.

Зам,тээвэр,Барилга, хот байгуулалтын яамны модон каркасан нэг айлын орон сууцны барилгын норм дүрмийг 2007 онд боловсруулан, мөрдөж байна. Орчин үеийн модон каркасан барилгын технологийг таниулах ажлын нэг нь ШУТИС-ын Ой модны сургалт судалгааны хүрээлэнгийн эзэмшил газар баригдсан загвар хоёр байшин юм. Загвар байшингуудыг канадын мэргэжилтэн, сургагч багш нар ШУТИС-ын мэргэжлийн ангийн оюутнууд, барилгын мужаануудыг удирдан удирдан барьсан. Мэргэжилтнүүд энэхүү барилгын технологийн талаар 14 хоногийн сургалт, семинар зохион байгуулж, дадлага хийлгэн бариулсан нь оюутнуудад мэдлэгийн том хөрөнгө оруулалт болсон юм. 

Загвар байшингийн нээлт 2008 оны 7-р сарын 9-нд болсон бөгөөд олон нийтэд үзүүлэн суртачлах, мэдээлэл өгөх ажиллагаа байнга явагдаж эхэллээ. Мөн канад мэрэгжилтнүүд барилгын салбарын мэргэжилтэн, ажилтанууд төдийгүй хэрэглэгчиддэд зориулсан модон каркасан байшингийн технологийн сургалт явуулж байгаа.

Дэлгэрэнгүй мэдээллийг энд дарж татаж авах буюу 321500, 99193719, 99884483 утсаар лавлаарай