Монголд анх удаа “ҮЛ ХӨДЛӨХ ХӨРӨНГӨ-2008” үзэсгэлэн яармаг 2008 оны 11-р сарын 11-13-ны өдрүүдэд Мэдээлэл Технологийн Үндэсний Паркт зохион байгуулагдаж байгаа бөгөөд үл хөдлөх хөрөнгө зуучлал, барилга орон сууц, хөрөнгө оруулалтын Номин зууч, Демозу, Сакура проперти, Фужибик, Реалтор, Патар, Ерөө Бид зэрэг үл хөдлөх хөрөнгө зуучлалын салбарт тэргүүлэгч компаниуд болон Модун, Монтед, Гангар инвест, Булбул, Алтан Өргөө, Модерн таун, Меритон, Нарлаг сууц, Сычишие, Барилга мега стор, Эс Пи сервис, Зар мэдээ.МН, Шуурхай зар сонин, Барилга. МН зэрэг ААН, байгууллагууд оролцож байна. .

“ҮЛ ХӨДЛӨХ ХӨРӨНГӨ -2008” үзэсгэлэнгийн нээлт 2008 оны 11-р сарын 11-ны өдрийн 14 цагт эхэлсэн бөгөөд нээлтэд ЗТБХБЯ-ыг төлөөлж    Л.Болд, Барилга.МН-ийн захирал Г.Батсүх, ерөнхий ивээн тэтгэгч “Модун” ХХК, “Барилга Мега Стор”-ын захирал Д.Батбаяр нар үг хэлж, тууз хайчлан үзэсгэлэнг нээлээ.

Үзэсгэлэн яармагийн гол зорилт нь үл хөдлөх хөрөнгийн зах зээлийг тогтворжуулах, иргэдийг үл хөдлөх хөрөнгө түрээслэх, худалдах, худалдан авахад гарах эрсдэлээс хамгаалахад оршино.

Үзэсгэлэн яармагийн үеэр үл хөдлөх хөрөнгө худалдах, худалдан авах, түрээс, шинэ орон сууцнуудын үнэ ханш, орон сууцны захиалгын үнийн хөнгөлөлт, зээл зэрэг үнэн бодит мэдээлэл зөвлөгөөг иргэдэд хүргэв. Үзэсгэлэн яармагыг сонирхож буй олон иргэдийн дийлэнх нь шинэ орон сууцнуудын үнэ ханш, байрлал, хөнгөлөлт мөн үл хөдлөх хөрөнгө зуучлалын байгууллагуудын мэдээлэл, зөвлөгөөг түлхүү сонирхож байлаа.

ЗТБХБЯ-ы төлөөлөгч Л. Болд:

-Улс орны хөгжилд мөн компаниудын үйл ажиллагааг өргөжүүлэх, иргэдэд үнэн бодит мэдээлэлийг хүргэхэд хувь нэмэр оруулж байгаа уг үзэсгэлэн яармагийг ЗТБХБЯ-ны зүгээс дэмжиж байгаагаа хэлмээр байна гэж хэлж байсан юм.

Үнэхээр ч олон нийт барилга, орон сууцны талаарх үнэн бодит, зөвлөгөө мэдээлэлээр дутагдаж байсан нь үзэсгэлэнгийн үеэр харагдаж байлаа.