Арбиторын тухай ойлголт нь манай улсад төдийгүй дэлхийн жишигт хүрсэн ойлголт билээ. Манай улс 2003 оны 5-р сарын 9-ны өдөр арбиторын хуулийг шинээр батлан гаргасан. Энэхүү хуулинд арбиторыг олон нийтийн байгуулгын дэргэд байгуулж болохоор заагдсан байдаг. Сүүлийн жилүүдэд манай орны барилгын салбар эрчимтэй хөгжиж байгаатай холбогдон сөрөг асуудлууд ихээр гарах болсон. Ялангуяа барилгын чиглэлээр үйл ажиллагаа явуулдаг байгуулга, иргэдийн хооронд үүсэх маргаан газар авч байна. Үүнээс үүдэн тэдний эрх ашгийг хамгаалахаар Монголын барилгачидын холбоо нь 2007 оны 10-р сарын 4-ны өдөр өөрийн холбооны дэргэд байнгын арбитор ажиллуулахаар болоод байна. Арбиторын алба нь  таван арбиторчинтой бөгөөд даргаар нь Монголын барилгачидын холбооны ерөнхийлөгч М.Батбаатар ажиллах юм байна. Арбитор нь хуулинд заасан хэмжээ хязгаарын дагуу үл хөдлөх хөрөнгө, худалдаа наймаа, арилжаанаас үүдэж үүссэн байгууллага хувь хүмүүсийн хоорондох асуудлыг шийдвэрлээд зогсохгүй танд зөвлөгөө зөвлөмж өгөх юм байна. Латин гаралтай энэхүү үг нь Монголчуудын хувьд танил үг бөгөөд арбиторын үйл ажиллагаа нь хэдийнээ олонд танигдсан. Тэгвэл барилгын салбарынхны хувьд хуулийн шат дамжлага дамжиж,  цаг алдахгүйгээр асуудлаа үнэн зөв шударгаар шийдвэрлүүлэх боломжтой боллоо. Одоогоор Монголын барилгачидын холбооны дэргэдэх байнгын арбиторын алба нь арбиторын хэлэлцээрийн загвар заалт, арбитор ямар ашигтай талаар зөвлөмж  зөвлөгөө, арбиторын хянан шалгах дүрэм, журмыг гарын авлага болгон тараах ажлыг гүйцэтгэж байна. Монголын барилгачидын холбоо нь арбиторын алба байгуулсан нь тэдний барилгачидын төлөө хийж буй бас нэгэн томоохон арга хэмжээ юм. Танд болоод танай байгууллагад үл ойлголцох асуудал үүсвэл Монголын барилгачидын холбооны дэргэдэх байнгын арбиторт хандахыг зөвлөж байна. Хэрэглэгч та хэдийд ч очсон эдний үүд хаалга үргэлж нээлттэй байх болно.