агаарын бохирдлыг багасгах зорилгоор Хас банк, ТВ-5 телевизтэй хамтран “Монгол мөрөөдөл” төслийг хэрэгжүүлж байна. Төслийн хүрээнд Улаанбаатар хотын төвөөс зүүн тийш 16 км зайд орших ногоон зоорины ойролцоо 6400 айлын “Ургах наран” хороолол барихаар төлөвлөсөн агаад өнгөрсөн онд 114 айлын орон сууц ашиглалтад орсон юм. 

Дараагийн ээлжинд 240 айлын орон сууц ашиглалтад өгөхөөр төлөвлөж, тус хороололд байр худалдан авахыг хүссэн иргэдэд орон сууцны зээл олгох зорилгоор Голландын Хөгжлийн Санхүүгийн компаниас 10 жилийн хугацаатай 7 сая ам.долларын зээл авахаар болжээ. Энэ тухай гэрээнд Хасбанкны гүйцэтгэх захирал М.Болд, Голландын Хөгжлийн санхүүгийн компаний Хөрөнгө оруулалт хариуцсан захирал Р.Жюрген нар өнөөдөр Нийслэлийн Засаг даргын Тамгын газрын байранд гарын үсэг зуржээ.