Гэтэл энэ аттестачилалд хамрагдаагvй хоёр салбар байдаг нь барилга, бас уул уурхайн салбар болоод байгаа аж. Тиймээс Засгийн газраас энэ хоёр салбарыг аттестачилалд бvрэн хамруулах шийдвэр гарч, улмаар УМХЕГ-аас дээрх хоёр салбарын байгууллагуудад шалгалт хийхээр болсон тухайгаа хэвлэлийнхэнд мэдээллээ.

Учир нь эдгээр салбарт ажиллаж буй ажилчид осолд орж, амь нас, эрvvл мэндээрээ хохирох асуудал их гардаг байна. Осол гарах шалтгаан нь хөдөлмөрийн аюулгvй нөхцлийг хангаагvйгээс 100 хувь гардаг гэвэл бас өрөөсгөл болно. Мэдээж дийлэнх хэсгийг энэ шалтгаан эзэлдэг боловч ажилчдын буруугаас техник хэрэгсэлийн гэнэтийн эвдэрлээс vvдэлтэй ослууд ч гардаг байна.

Өнгөрсөн оны статистик мэдээг харвал ажил мэргэжлээс шалтгаалсан осол 2007 онтой харьцуулахад 43 хувь, осолд орсон хvн 81,8 хувь, ослоос болж нас барсан хvний тоо 84 хувиар өссөн vзvvлэлт гарсан байна. Барилга, уул уурхайн салбарт гадаадын иргэд олноороо ажиллахын дээр ажлаа гvйцэтгэж байгаад амь насаа алдах тохиолдол ч гардаг.

Барилга, байшин нэмэгдэхийн хирээр энэ салбарт ажиллагсдын осолдох нь ихсэж байна гэж мэргэжлийн хvмvvс дvгнэж байгаа юм. Тиймээс УМХЕГ-аас доорх чиглэлvvдээр шалгалт хийх бөгөөд 4 сарын 1-с 6-р сарын 1 хvртэл барилгын салбарт , 7-р сарын 1-с 9-р сарын 1 хvртэл уул уурхайн салбарт хөдөлмөрийн аюулгvй байдлын шалгалтыг хийхээр болжээ. Заасан хугацаанд шалгалтыг хийж дуусгах бөгөөд дvнг нь Засгийн газраар хэлэлцэх аж.

Шалгалтаар ноцтой зөрчил илэрсэн байгууллагад ямар хариуцлага оногдуулах талаар одоохондоо шийдвэр гараагvй аж.