Дугуйгаар барилгын материал бүтээжээ
Barilga
2019-11-05
“PMGI/Productive Recycling” компани авто салбарын хаягдал дугуйг дахин ашиглах шинэ арга нэвтрүүлснээ зарлалаа. Машины ашиглагдсан дугуйг дахин боловсруулах нь байгаль орчинд хөнөөлтэй бөгөөд зардал ихтэй. Мөн зөвхөн Америкт л гэхэд жилд 300 саяд хүрдэг хуучин дугуйг хэрхэх тухай асуудал дэлхийн олон орны тулгамдсан асуудлуудын нэг юм. Харин дээрхи компанийн мэргэжилтнүүд “T-Blocks” хэмээх төсөл боловсруулсан нь тэрхүү их хэмжээний хаягдал дугуйгаар тоосго, хавтан зэрэг барилгын материал хийхэд зориулагдсан аж.
Мэргэжилтнүүдийн тогтоосноор дугуйгаар хийсэн барилгын материал усанд тэсвэртэй бөгөөд чийг, үерийн хамгаалалттай байх давуу талтай. Тиймээс жил бүр олон арван хүний амь насанд хүрдэг хөрсний гулсалтаас ч барилга байшинг хамгаална гэсэн үг. “PMGI/Productive Recycling” компани тоосго, хавтан бүрт хэмжээнээс шалтгаалж 20-40 дугуй ашигладаг байна. Тусгай зөвшөөрөлтэй болж хэрэглэгчдийн талархал хүлээвэл тус компани өдөрт 1000 ширхэг хавтан үйлдвэрлэх хүчин чадалтай аж.
Үнэн
Жич: Та бүхэн өөрсдийн байгууллага, орчин тойрондоо өрнөж буй сонирхолтой, анхаарал татам үйл явдлын талаархи мэдээллийг бидэнд info@barilga.mn хаягаар илгээнэ үү