Нийслэлийн IV амаржих газрын ажлыг энэ хавраас эхлүүлнэ. Тус газрыг Хан-Уул дүүргийн Яармагийн шинэ хороололд барихаар төлөвлөсөн байна. Эмнэлгийг нийт 120 ортой барьж байгуулахаар барилгын ажлын ерөнхий төлөвлөгөөнд тусгажээ. Барилгын ажлыг хоёр жилийн дотор гүйцэтгэх аж. Уг эмнэлгийг дэлхийн стандартад нийцүүлэн барьж байгуулна.

Сүүлийн жилүүдэд эмнэлгийн барилгууд хуучирч муудсанаас үүдэн шинэ төрсөн нярай хүүхэд элдэв халдварт өвчний нян авах эрсдэл өндөр байгаа. Мөн төрөлт 1998 оноос даруй хоёр дахин өсч эмнэлгүүд ихээхэн ачаалалтай ажиллах болсноос дахин шинээр амаржих газар байгуулах шаардлага зүй ёсоор тавигдсан юм.