Энэтхэг улсын Бодгаяад баригдаж байгаа Монгол сүмийн барилгын ажил ирэх онд дуусна хэмээн баттай эх сурвалж мэдээллээ.

Гурван давхар, үзэсгэлэнгийн болон хурлын танхимтай, 20 өрөө бүхий байх Монгол сүмийн цутгуурын ажил одоогоор дуусах шатандаа орсон байна. 2006 оны долдугаар сараас эхэлсэн энэхүү барилгын ажил хэдийгээр хоёр улсын Засгийн газрын харилцан гэрээний дагуу ажлаа эхэлсэн ч одоо хүртэл газрын асуудал маргаантай байгаа ажээ. Учир нь Бурхан багшийн гэгээрлийн хутаг олсон эл газар босгосон Бодхи суварганы эргэн тойронд 1000 метрээс дотогш ямар нэг барилга барьж, үйл ажиллагаа явуулахыг хориглодог бөгөөд энэ газар нь ЮНЕСКО-гийн хамгаалалтанд байдаг бүс нутаг ажээ. Гэвч дээрх хориотой бүсэд манайхаас гадна Тайланд, БНХАУ-ын Тайвань, Кампучи, Вьетнам зэрэг улс аль хэдийнэ сүм дугана барьсан байдаг аж.

МОНЦАМЭ