Өнгөрсөн жил Газрын албаны хувьд ажлын амжилт бүтээлээр дүүрэн жил байлаа. Нийслэлийн 2012 оны газар зохион байгуулалтын төлөвлөгөөнд 5 бүлэг нийт 366 ажил хийхээр төлөвлөснөөс 197 нь бүрэн, 117 нь хагас биелэгдэж, 52 нь хэрэгжээгүй төлөвлөгөөний хэрэгжилт 72,8 хувьтай байна.
  Нийслэлийн газрын албанаас Монгол Улсын Газрын тухай хуулийн дагуу Нийслэлийн 2013 оны газар зохион байгуулалтын төлөвлөгөөний төслийг Нийслэлийн хот байгуулалтын болон газар зохион байгуулалтын ерөнхий төлөвлөгөө, МУ-ын Засгийн газрын 2012-2016 оны үйл ажиллагааны хөтөлбөр болон Нийслэлийн Засаг дарга бөгөөд Улаанбаатар хотын Захирагчийн холбогдох яамдын сайдтай хамтран ажиллахаар байгуулсан санамж бичиг, түүнчлэн Нийслэлийн Засаг дарга бөгөөд Улаанбаатар Хотын Захирагчийн 2013-2016 онд хэрэгжүүлэх үйл ажиллагааны хөтөлбөртэй уялдуулан боловсруулан батлууллаа. Манай газар 2013 онд газрын харилцааны чиглэлээр нийслэлд хэрэгжүүлэх 386 ажлыг 8 бүлэгт хамруулан төлөвлөгөөндөө тусгасан бөгөөд үүнд Монгол Улсын иргэнд газар өмчлүүлэх хуулийг хэрэгжүүлэх хүрээнд гэр хороололд газар эзэмшиж байгаа иргэдэд газар өмчлүүлэх, өмчилсөн газрын эрх шилжүүлэх ажлыг үргэлжлүүлэн хэрэгжүүлэхийн зэрэгцээ 24 байршлын 1021 нэгж талбарт 68,75 га газар өмчлүүлнэ. Мөн Сүхбаатар, Сонгино-Хайрхан, Багануур дүүргийн нутаг дэвсгэрт 5 байршилд 512 нэгж талбарын 34,2 га газар өмчлүүлэхээр төлөвлөж байна. Нийслэлд шинээр эзэмшүүлэх, ашиглуулах газрын байршил хэмжээг нийт 208 байршил бүхий газарт төлөвлөснөөс гэр хорооллын 24 байршил бүхий газар 1050,5 га газарт дахин төлөвлөлт хийж шинэчлэх зураг төслийг боловсруулах, орон сууцны хороолол дотор бичил цэцэрлэг, хүүхдийн тоглоомын талбай байгуулах зориулалтаар 12 байршил бүхий 11,86 га газарт цэцэрлэгт хүрээлэн, бичил цэцэрлэг хийж хэрэгжүүлэхээр тусгалаа. Төрийн болон төсөвт байгууллагын зайлшгүй хэрэгцээнд нийслэлийн төсөв, зээл тусламжаар баригдах барилга байгууламж, төсөл арга хэмжээнд зориулан нийт 112 байршилд 85,76 га газар эзэмшүүлэх асуудлыг шийдвэрлүүлэхээр тусгаад байгаа бөгөөд эдгээрээс 79 сургууль, цэцэрлэгийг шинээр барих, 30-н цэцэрлэгийг өргөтгөх, шинээр 21 сургууль барих, өргөтгөх 29 байгууламжинд 26,48 га газар тус тус тусгаад байна. Мөн дэд бүтэц, нийтийн үйлчилгээний зориулалтаар нийт 24 нэр төрлийн инженерийн байгууламж, түүний өргөтгөл барьж байгуулах 118,53 км газар эзэмшүүлэх, худалдаа үйлдвэрлэлийн зориулалтаар Сонгино-Хайрхан, Хан-Уул дүүргийн нутаг дэвсгэрт 5 байршилд 5,1 га газар эзэмшүүлэх эрхийг дуудлага худалдааны зарчмаар эзэмшүүлэх, Баянзүрх, Сонгино-Хайрхан, Багануур дүүргийн нутаг дэвсгэрийн 8 байршилд 55,0 га газрын эзэмших эрхийн төсөл сонгон шалгаруулах зарчмаар олгохоор төлөвлөж байна. Түүнчлэн Амралт, аялал жуулчлалын зориулалтаар Баянзүрх, Сонгино-Хайрхан, Хан-уул, Багануур дүүргийн нутаг дэвсгэрт 8 байршил бүхий 25,4 га газрын эрхийг төсөл сонгон шалгаруулах хэлбэрээр эзэмшүүлэхээр мөн тусгав. Явган болон авто замын барилга, байгууламжийн хүрээнд 2 байршил бүхий 7,4 га газарт явган хүний болон гүйлтйин зам, биеийн тамир, спорт чиирэгжүүлэлтийн зам, талбай байгуулах ажлыг шийдвэрлүүлэх санал оруулсан. Үүнд улсын төсвийн хөрөнгөөр баригдах 11, нийслэлийн төсвийн хөрөнгө оруулалтаар баригдах 15, хөгжлийн банкны санхүүжилтээр баригдах 18, Шинэ бүтээн байгуулалт, дунд хугацааны зорилтот хөтөлбөрийг хэрэгжүүлэх ажлын хүрээнд 6 авто зам, байгууламжийн ажлыг тус тус тусгаад байна. Түүнчлэн хотын авто замын хөдөлгөөний нэвтрэх чадварыг сайжруулах талаар зохион байгуулж хэрэгжүүлэх ажлын хүрээнд орон сууцны хорооллын доторхи авто замын саад, орц гарцыг хаасан, нарийсгасан байдлын судалгааг төвийн 6 дүүргийн 11 байршлын 152,18 га газарт хийхээр төлөвлөөд байна.

Нийслэлийн газрын алба.

Үзэх бол энд дарна уу.