Цаг хугацаа урсан урссаар 21 дүгээр зууны 12 дахь жилийг үдэхэд цөөхөн хоног үлдлээ. Одоо ч аль ч ААН, байгууллага тэдгээрийн хамт олон хувь хүн нэгэн жилд хийж бүтээснээ үнэлэн, цэгнэж дүн тавьдаг уламжлалт ажил өрнөж, тэр хэмжээгээр хуучин оноо үдэж, шинэ оноо угтаж авдаг томоохон баяр буюу “шинэ жилийн баяр”-таа бэлтгэж байна.

“Барилга.МН” сэтгүүл ч өнгөрч байгаа онд сар бүрийнхээ шинэхэн дугаар бүрт олон мянган барилгачид, нийт захиалагч, уншигчиддаа салбарынхаа бүтээн байгуулалт, хөгжил дэвшилтэй холбогдсон олон янзын шинэлэг мэдээллийг цаг алдахгүй хүргэж ирсэн.

Энэ хэмжээгээр уншигчдын хүрээ байнга өсөж ирсэнд манай сэтгүүлийн хамт олон их баяртай байгаа бөгөөд ирэх оны ажил үйлсэд маань томоохон урам өгсөн дэмжлэг гэж үзэж байна.

Ингээд нийт захиалагч, уншигчид, хамтран ажилласан байгууллагууддаа  баярласнаа илэрхийлэхийн ялдамд угтан золгож байгаа 2013 оны ажил үйлс чинь гараанаасаа эхлээд бариа хүртлээ ямагт амжилт өндөр, баяр баясгалангаар бялхаж, эрүүл энх, аз жаргалтай байх билэгтэй сайхан ерөөлийг дэвшүүлж мэндчилье.

Ирэх онд бидний үр бүтээлтэй хамтын ажиллагааны өгөөж улам хөгжин дээшлэнэ гэдэгт итгэл төгс байна.

Сайн үйлс дэлгэрэх болтугай.

“Барилга.МН” сэтгүүлийн хамт олноос