Материалаа хаанаас оруулж ирж байна?
Пенетроныг Европын холбоо, Австрали, ОХУ гэсэн 3 улс үйлдвэрлэдэг. Нийтдээ 63 оронд албан ёсны гэрээт борлуулагчтай. Манай орон 64 дэх гишүүн нь болсон. Тээвэрлэлтийн ойроос шалтгаалж манай компани ОХУ-аас материалаа оруулж ирж байгаа.

Уг материалыг өөрийн орны барилгын салбарт оруулж ирэх болсон шалтгаан юу вэ?
Бидний хийсэн судалгаагаар Улаанбаатар хотын барилгуудын 60 хувь нь хөрсний  усанд автсан, ихэнхи барилгуудын  подвал чийгшил ихтэй, мөн шинээр баригдаж байгаа барилга  байгууламжийн сууринд хэрэглэхэд зориулж оруулж ирсэн.

Пенетрон ямар давуу талуудтай вэ?
Бусад тусгаарлагч материалыг бодвол бетоны гүнд 90см хүртэл нэвтэрэн орж ус нэвтрүүлдэггүй, мөн хуучин барилгын ан цавд, дээвэр, орон сууц гэх мэт зүйлд хэрэглэгддэг.  Эдийн засгийн, эдэлгээний хувьд маш хэмнэлттэй. Хүний бие организмд элдэв харшил үзүүлдэггүйгээрээ илүү давуу талтай юм.

Усны хамгаалалтаас өөр юунд ашиглаж болох вэ?
Усны хамгаалалтаас өөр олон зүйлд ашиглаж болдог. Жишээлбэл: Ногооны зоорь, далан, уурхай, цэвэр бохир усны хоолой, гүүрний барилга, химийн нөлөөлөлд өртөх бетон байгууламж гэх мэтэд ашиглаж болно. 

Энэхүү материалыг яаж хэрэглэвэл зохимжтой вэ? Баталгаат хугацаа хэдэн жил вэ?
Пенетрон нь маш нарийн технологи шаарддаг  хуурай бодис юм. Тиймээс   мэргэжлийн хүмүүсээр технологийн дагуу найруулан хэрэглэхгүй бол аль нэг бодис дутуу хийсэн тохиолдолд бүтээгдэхүүн үйлчлэхгүй. Зохих журмын дагуу хэрэглэвэл санаа зовоох зүйл гарахгүй бөгөөд сэтгэл ханамжийн хувьд баталгаатай бүтээгдэхүүн юм.

Одоогоор Пенетроныг ямар компани, хувь хүмүүс ашиглаж байна вэ?
Манай бүтээгдэхүүнийг Ус сувгийг удирдах газар, Гаалийн ерөнхий газар, “Монгол газар“ компани зэрэг олон байгууллага авч хэрэглэсэн байгаа. Гаалийн ерөнхий газар өргөтгөлөө, “Монгол газар” компани алт угаадаг нөөцийн саваа Пенетроны тусгаарлагч материалаар хийсэн байгаа.

Үнэ өртгийн хувьд ямар байгаа бол? Mэргэжлийн байгууллагуудаас зөвшөөрөл авсан уу?
Пенетрон 25 кг-аар савлагдсан. Нэг кг нь 10 доллар 60 центийн үнэтэй байгаа. Манай компани нь БХБЯам болоод “Барилга архетиктур” корпорациас зөвшөөрөл авсан.

Ярилцлага өгсөн танд баярлалаа