Унтлагын өрөө гэдэг бол танай гэрийн хамгийн чухал хэсэг. Та энэ л өрөөнд  амьдралынхаа гуравны нэгийг өнгөрүүлдэг. Энд та унтаж амран, эрч хүчээ сэлбэж, зүүдний ертөнцөөр аялан, хайр сэтгэлээ бататган бас ханьтайгаа ч эвлэрдэг шүү дээ.  

Мэдээж хэрэг унтаж байхдаа хүн ямар ч хамгаалалтгүй байдаг. Тиймээс сөрөг энергийн урсгалын нөлөөнд илүү өртөмтгий болдог тул унтлагын өрөөний эрч хүч, энергийн хуримтлал нь эерэг байх ёстой. Хаана ороо байрлуулснаас хүний ажлын чадамж, эрүүл мэнд хамаараад зогсохгүй  үр удмын асуудал ч хөндөгддөг. Хэрвээ  таны унтлагын өрөөний цонх зүүн зүг рүү харсан бол таны амьдралыг идэвхитэй болгож, эрч хүчээр дүүргэхэд тустай байх болно. Баруун урагш харсан унтлагын өрөө нь таатай дулааныг авчирна. Жилийн дөрвөн улирал ээлжилдэг, эрс тэс уур амьсгалтай манайд энэ хамгийн тохиромжтой байрлал юм.

Хэрвээ орныхоо толгойг зөв байрлуулж чадаагүй бол бухимдсаны хэрэггүй. Гол нь орон байрны чинь ерөнхий энерги танд эерэг нөлөө үзүүлдэг байх  ёстой.

Унтлагын өрөөнд ороо хэрхэн байрлуулах вэ

1. Хаалганы ард байх нь тохиромжгүй. Учир нь та ороо хаалганы ард эсвэл хаалганд ойрхон байрлуулснаас тавгүйрхэж, тайван бус унтах болно.

2. Хөл толгойгоо зөрүүлэх. Хэрвээ нэгнийх нь толгойн тал нөгөөгийн хөл рүү харсан бол тун таагүй байх болно. Эрт үед, хааны хөлд сөхөрч тангараг өргөх нь асар их хүндлэл үзүүлсний илрэл болдог байж. Харин өнөө үед  энэ байрлал нь амжилтын шатаар өгсөхөд бэрхшээл дуудсан сөрөг үйлчлэлтэй гэж үздэг.

3. Угаалгын өрөөний эсрэг байрлал. Угаалгын өрөө нь хир бохироос ангижрах зориулалттай бол унтлагын өрөө нь эрч хүчээ сэлбэн унтаж амрахад зориулагдсан. Тиймээс энергийн урсгалын чичиргээ нь нойр тавгүйтүүлж, бие эвгүйцүүлдэг.

4. ОО-ийн өрөөний дэргэд. Хэрвээ ор тань ОО-ийн өрөөний хананы дэргэд байрладаг бол таны эрүүл мэндэд таатай нөлөө үзүүлэхгүй. Тиймээс ороо өрөөнийхөө голд байрлуулсан нь дээр.

5. Дугуйтай ор. Ийм дугуйтай ор нь гэрт байхад зохимжгүй. Учир нь эмнэлэгт буй мэт сэтгэгдэл төрүүлдэг юм. Тав тухгүй учир нойр хулжаадаг.

6. Бетонон хөндлөвчийн доор ор байрлах нь унтаж буй хүнд таагүй байдаг тул ороо өөр газар шилжүүлсэн нь дээр.

Унтлагын өрөөний хөшигний материал нь цаавуу бопон синтетик буюу нийлмэл эдээр хийгдсэн байдаг. Түүнээс гадна топь, даавуун гэсэн 3 давхар хөшигтэй байвал зохимжтой. Толь нь нарны гэрлийг өрөөнд нэвтруүлснээр, байгалийн гэрлийг ашиглах бопомж бидэнд олгодог. Харин нийлмэл эдээр хийсэн бараан өнгийн хөшгийг нарны гэрлийг нэвтруүлэхгүйн тулд ашигладаг. Өөрөөр хэлбэл унтлагын өрөөнд хүн өдөр ч унтаж болно шүү дээ. Тэр үед гэрэл нэвтрүүлдэггуй бараан хөшиг хэрэг болно.

Орны хоёр талын шүүгээн дээр гэрэл байрлуулах нь тог хэмнэх ач холбогдолтой. Жишээ нь ном уншихын тулд бүхэл бүтэн өрөөний гэрлийг асаах шаардлагагүй. Мөн хажуудаа байгаа хүндээ саад болохгүйгээр юм унших боломжтой. Манайхан дүужин тааз, гэрлийн бүрхүүл зэргийг тансаг, чамин хэрэглээ мэт ойпгодог. Энэ нь тог хэмнэх, хэрэглээний тав тухтай байдлыг хангах ач холбогдолтой байдаг. Унтлагын болон зочдын өрөөнд хэрэглээ бүрт зориулагдсан 3 төрлийн гэрэл, унтраалга байвал зохимжтой.

Мөн зөөврийн болон ширээны гэрлийг өргөн ашигладаг. Гэр булээрээ ширээ тойрч суугаад хооллоход гэрэлтүүлгээ бүрэн ашиглах, харин төлевиз үзэх тохиолдолд зөвхөн таазны туслах гэрлээ асаахад хангалттай. Таазны өндрөөс гэрэл, туүний бүрхүүлийн хэлбэр загвар шалтгаална. Тэаз өндөр байх тусам унжсан, гоёмсог гэрлийн бурхүүл байвал зугээр. Гэхдээ яг орныхоо харалдаа гэрлийн бурхүүл хийх нь тохиромжгүй. Дээрээс унах гээд байгаа ч юм шиг эвгүй байдаг. Ер нь гоё тансаг гэрлийн бүрхүүлуүдийг зочдын өрөөнд хийвэл тохиромжтой. Харин унтлагын өрөөнд даавуун болон янз бүрийн бүрхүүлтэй дугуй хэлбэртэй, классик загварын зөөврийн, бопон ширээны гэрлүүд байвал тохиромжтой.

Сүүлийн үед зарим айлууд бараг тавилгагүй шахам өрөөнд байх сонирхолтой болсон бөгөөд энэ нь хүний сэтгэлд ямар нэгэн хоосон орон зайг үүсгэж байдаг болохоор тийм ч таатай зүйл биш юм. Хамгийн чухал нь унтлагын өрөөнд таны ор байдаг ба танд өгч чадах ээлтэй энерги бүхий материал, өнгө хээтэйг сонгох хэрэгтэй. Орны сонголт Орыг сонгохдоо өөрийгөө болон хань ижилтэйгээ хамт байхдаа ч та хоёрыг хоёр нугалсан том өргөн байвал сайн.

Хэтэрхий жижиг нарийн орон дээр унтаж байх нь таны амжилт болон алсын харааг багасгах болно. Гэхдээ Хятадын хаан шиг өөрийгөө хэд нугалах том орон дээр унтах нь сайхан боловч хамаагүй том ор нь хүнд өөртөө итгэлгүй, аймхай байдлыг үүсгэдэг. Гудас Нэг орон дээр нэг л гудас юм уу матрас хэрэглэж бай. Хоёр салангид ор, хоёр салангид гудас зэргийг зэрэгцүүлж тавьж байх нь хос хоёрыг салгах нөхцөлийг бүрдүүлж байдаг. Гэхдээ нэг бүтээлгээр бүтээсэн хоёр гудастай орноос салангид өөр өөр газар тавьсан хоёр ор байсан нь дээр. Орны толгой Ор заавал толгойтой байх ёстой. Ялангуяа ямар нэгэн хатуу хана руу орны толгой чиглээгүй нөхцөлд. Хатуу хана гэдэг нь хүнд ард талдаа уулын нөмөр нөөлөгт байгааг илэрхийлдэг. Мөн ор нь цонхтой хана руу чиглэсэн байж болохгүй. Хэрэв заавал тэгэж таараад байвал уг цонхондоо зузаахан хөшиг өлгөж өгөх хэрэгтэй. 

БАРИЛГА.мн

Бэлтгэсэн П.Солонго