“Мишээл экспо” төвийн үзэсгэлэнгийн танхимд 5 дахь өдрөө үргэлжлэн өнөөдөр хаалтаа хийх гэж буй "Барилга, орон сууц экспо-2008" үзэсгэлэн яармагийн шилдгүүд өчигдөр тодорлоо.

БХБЯ, Барилгын биржтэй хамтран зохион байгуулсан эл үзэсгэлэн яармагт оролцож буй 170 компаниас есөн шилдэг байгууллагыг шалгаруулжээ. Үндэсний шилдэг бүтээн байгуулагчаар "Явуу Импекс" ХХК, үзэсгэлэнгийн шилдэг оролцогчоор "Монгол глобал" ХХК, шилдэг бүтээгдэхүүн импортлогчоор "ИЭК-Монгол", "Улаанбаатар менежмент" ХХК, Шинэ технологи нэвтрүүлэгчээр "Алъянс тех", "Лайф трейдинг", "Алтан ус" ХХК, үндэсний шилдэг үйлдвэрлэгчээр "Дархан хөвөн" компани тус тус шалгарсан байна.

Дэвшилтэт техник, технологитой танилцах, барилгын материал болон орон сууцны үнэ ханш сонирхох, барилгын зураг төсөл, интерьер, дизайн хийлгэх, хувийн байшин бариулах, шугам сүлжээгээ шинэчлэх хүмүүс эндээс мэдээлэл авч болно. Үзэсгэлэн яармаг өнөөдөр үдээс хойш өндөрлөнө.

БАРИЛГА.мн