Манай сайт энэ удаагийн ярилцлагын буландаа 2007 оны Монголын барилгын салбарын барилга угсралт, хөрөнгө оруулалтын шилдэг компани болсон “Мон-Тед” ХХК-нийн ерөнхий захирал Ганболдыг урьж оролцуулж байна.

Танд өдрийн мэнд хүргэе. “Мон-Тед” компани хэдэн оноос барилгын ямар чиглэлээр үйл ажиллагаагаа явуулж эхэлсэн бэ?
Манай компани нь 1996 онд барилга угсралтын чиглэлээр анх байгуулагдсан. Одоогоор 23 удирдах болон инженер техникийн ажилчид, мужаан, арматурын цех, сантехникийн 2 бригад, цахилгаан холбооны бригад, авто засварын газар, 200 гаруй ажиллагсадтайгаар үйл ажиллагаагаа амжилттай явуулж байна.

“Мон-Тед” компани нь байгуулагдаад 11 жилийг ардаа орхижээ. Энэ хугацаанд ямар ямар барилгыг барьж байсан бэ?
Компани маань байгуулагдсанаас хойш иргэний ба орон сууц, үйлчилгээний чиглэлийн олон барилга ашиглалтад өгсөн. Үүнээс дурдвал 1997-2000 онуудад “Монгол даатгал” компани, МУГЕГазар, “Отгонтэнгэр” дээд сургууль, иргэд хувь хүмүүсийн захиалгаар 30 айлын орон сууцны 9 барилга, мөн 2005-2007 онуудад Чингэлтэй дүүрэгт 9-н давхар 2 орон сууц гэх мэт барилгуудыг барьж байгуулсан. Жилдээ манай компани 7 тэрбум төгрөгийн барилга угсралтын ажил хийж гүйцэтгэдэг юм.

Танай компани барилгын материалаа хаанаас авчирдаг вэ?
Манай “Мон-Тед” компани нь аль болох ард иргэдийн хэрэгцээ хангасан чанартай материалаар барилгаа барихыг эрхэмлэдэг. Тийм ч учраас сантехник, цахилгааны материалаа ОХУ, Чехээс, бусад барилгын материалаа Солонгос, Хятад улсуудаас оруулж ирдэг. Цаашилбал олон улсын барилгын үзэсгэлэн яармагт оролцож, өөрийн орны уур амьсгалд тохирох материалыг  сонгодог.

Танай компани 108 айлын орон сууц барьж байгаа юм байна. 2008 оны 2,3 улиралд ашиглалтад орно гэж байна. Захиалга авч эхэлсэн үү? Үнэ ханшийн хувьд ямар үнэтэй байгаа вэ?
Захиалгаа аваад эхэлсэн. Одоогоор нилээд захиалга аваад байна. Үнийн хувьд зах зээлийн ханшаас арай хямд байгаа. 1м2–ийг нь 750 ам.доллар гэж одоогоор тогтоод байна. Энэ бол ард иргэдэд хамгийн боломжит үнэ юм.

Захиалагч нар маань ер нь хэдэн өрөө байр ихэвчлэн захиалж байна вэ?
Хүмүүсийн хэрэгцээ цаг үеэ даган өөрчлөгдсөөр байна. Тиймдээ ч тэрүү байр захиалж байгаа хүмүүс өөрсдийн сонирхолдоо нийцүүлэн, мөн ах дүүгээрээ нийлж захиалах ч тохиолдол  байна. Манай барилгын зураг  төсөл ч энэ бүгдийг тооцоолж хийгдсэн байгаа. Ихэвчилэн иргэд маань 2-3 өрөө, дээд тал нь 5 өрөө байрыг захиалж байна.

Танай компанийн барьж буй сууц бусад барилгуудаас юугаараа давуу талтай вэ?
108 айлын орон сууц маань хотын төвд байршилтай, чанарын өндөр түвшинд, мөн оршин суугчидын тав тухтай байдалд нийцүүлэн дулаан граж, 2 цахилгаан шаттай баригдаж байгаа гээд давуу тал олонтой.

108 айлын орон сууцыг сонирхож, захиалахыг хүсвэл хаана очиж уулзах вэ?
Энэ барилга нь Баянгол дүүргийн нутаг дэвсгэрт баригдаж байна. Хамгийн хялбараар тайлбарлаж хэлвэл “Од” кино театрын хойно баригдаж байгаа юм. Энд ирээд газар дээр нь танилцаж захиалга өгөх боломжтой. Мөн 99113433 гэсэн утсаар холбоо барьж болно.

Цаг зав гарган ярилцсан танд баярлалаа.