Хэрвээ та барилгын салбарт ажиллахаар шийдээд ажлын байр, мэргэжлийн үнэмлэх дутуу, басхүү барилгын ажилтан хайж байгаа бол Монголын барилгачдын холбоог зорихыг зөвлөж байна. Монголын барилгачидын холбоо нь барилгачидын язгуур эрх ашгийг хамгаалахаас гадна хөдөлмөр зуучлалын алба, сургалтын төв, өөрийн холбооны дэргэдэх арбитор гэсэн гурван чиглэлээр үйл ажиллагаагаа явуулж байна. Эднийх засал чимэглэлчин, бетон арматурчин, сантехникийн засварчин, цахилгаан гагнуурчин, мужаан, өрөг угсрагч, цахилгаанчин гээд 7 мэргэжлээр барилгын ажилтан бэлтгэж байгаа.

Монголын барилгачидын холбоо нь Азийн хөгжлийн банкны санхүүжилтээр хөдөлмөр эрхлээгүй залуучууд, насанд хүрэгчдийн мэргэжлийн албан бус сургалтын төсөлд хамрагдсанаар засал чимэглэл, мужааны ангид суралцагчдыг үнэ төлбөргүй сургаж байна. Бусад ангийн хувьд та 80000 төгрөг төлөөд сарын турш суралцаж болно. Сонгинохайрхан дүүргийн 18-р хороо 5-н шар, Баянгол дүүрэг ААББ компанийн байранд, мөн Хан-Уул дүүрэг “Бетон Арматур” компанийн байранд тус тус суралцагчидаа дадлагажуулдаг. Ингэснээр та заавал барилгачдын холбоон дээр ирж сурах шаардлагагүй. Цаг заваа хэмнэн өөрийн гэрийн ойролцоо суралцах боломжтой юм. 2002 оноос эхлэн үйл ажиллагаагаа явуулж эхлэсэн сургалт нь одоогоор онолын 3, дадлагын 4 нийт 7 багштайгаар хичээллэж байна.

Монголын барилгачидын холбоо нь зөвхөн сарын турш сургаад орхичихгүй цаашлаад ажиллах байраар хангаж, гишүүн байгуулгууддаа ажилчдаар хангаж, төгсөж гарсан сурагчиддаа 2-3 сар  тавьдаг юм. Олон жилийн туршлага, чанартай сургалт, чадвартай багш, төгсөгчдөө ажлын байраар 100% хангана гээд тэдний давуу тал олон. 15 хоногт нь дадлага, 5 хоногт нь онол заадаг энэхүү сургалт нь ажлын таван өдөрт өглөөний 9 цагаас өдрийн 15 цаг хүртэл хичээллэдэг. Хэрвээ та суралцахыг хүссэн тохиолдолд анги дүүргэлтийг хүлээлгүй хүссэн үедээ суралцаж болох юм байна. Хэн нэгнээс хоцрох вий гэлгүй танд хандсан ганцаарчилсан сургалт явуулна гэдгээ тэд амлаж байна. Монголын барилгачидын холбоо нь “Урт цагаан” үйлчилгээний төвийн 4-р корпусын 3-р давхарт байрлаж байгаа.