Гэрэлтдэг ханын цаас

Голландын инженер Йонаса Самсоний бүтээл нь барилга орон сууцны гэрэлтүүлгийн технологид шинэ дэвшил авчирчээ. Гэрэлтдэг ханын цаасыг зах зээлд хэрэглэж байгаа материалуудыг ашиглан бүтээсэн байна. Ханын цаас гүйдэл дамжуулах мөнгөн утас, гэрэлтэгч фосфорын давхаргуудаас бүтнэ. Харин өнгөн үеүүд нь хамгаалалтын тунгалаг (оксид индий) давхарга болон чимэглэлийн хэсгээс бүрддэг байна. Энэ бүгд нийлээд ердийн ханын цаас болно. Харин уг ханын цаасыг цахилгаанд залгаснаар тасалгааны гэрлийн оронд ашиглаж болох гэнэ. Түүгээр ч зогсохгүй унтрааж асаах боломжтой юм байна.

Гэрэлтдэг угаалтуур

Ихэнх айлууд энгийн угаалтууртай байх. Гэхдээ энэ бол янзтай угаалтуур байна шүү. “Water Ball Ripple” нэртэй энэхүү угаалтуурнаас та халуун ус гаргавал тэрхүү метал бөмбөгийг зүүн тийш нь эргүүлнэ. Хүйтэн ус гоожуулах хэрэгтэй бол баруун тийш болгоход усны өнгө нь цэнхэртэж харагдах болно. Янзтай л юм. Тийм биш байна гэж үү?

Дижитал шүршүүрийг залхуучуудад

Шүршүүрт орохдоо хүртэл технологийн дэвшлийг мэдэрч болох нь. Залхуу хүмүүст зориулсан энэхүү дижитал буюу тоон төхөөрөмж бүхий шүршүүрийн систем нь “Ondus” хэмээх нэртэй бөгөөд Grohe-с гаргаж байгаа өвөрмөц нэртэй бүтээгдэхүүн аж. Усны халуун дулаан болон шүршүүрт ороход зайлшгүй хэрэгтэй зүйлсийг л дижитал маягаар тохируулна гэсэн үг. Залхуу хүмүүст үнэхээр хэрэгтэй зүйл байгаа биз? Алсын удирдлагатай болчихвол бүр ч янзтай даа.